ഫേസ്ബുക്ക്, ഇന്സ്റ്റാഗ്രാം പണിമുടക്കിയത് ഒന്നര മണിക്കൂര് ; സക്കര്ബര്ഗിന് നഷ്ടം 23,127 കോടി
മെറ്റയുടെ അധീനതയിലുള്ള ഫേസ്ബുക്ക്, ഇന്സ്റ്റാഗ്രാം, ത്രെഡ്സ്, മെസഞ്ചര് എന്നിവ കഴിഞ്ഞ ദിവസം പണിമുടക്കിയതിന് പിന്നാലെ മെറ്റ തലവന് മാര്ക്ക് സക്കര്ബര്ഗിനുണ്ടായത് 300 കോടി ഡോളറിന്റെ നഷ്ടം.
ആഗോളതലത്തില് സേവനങ്ങള് നിശ്ചലമായതോടെ മെറ്റയുടെ ഓഹരിയില് 1.6 ശതമാനത്തിന്റെ ഇടിവുണ്ടായി. വാള്സ്ട്രീറ്റിലെ ഓവര്നൈറ്റ് ട്രേഡിങില് മെറ്റയുടെ ഓഹരി 490.22 ഡോളറിനാണ് അവസാനിച്ചത്. എങ്കിലും ലോകത്തിലെ നാലാമത്തെ സമ്ബന്നന് എന്ന സ്ഥാനം സക്കര്ബര്ഗ് ഇപ്പോഴും നിലനിര്ത്തുന്നുണ്ട്.
കഴിഞ്ഞ ദിവസം ഒന്നര മണിക്കൂറാണ് മെറ്റ പ്ലാറ്റ്ഫോമുകള് നിശ്ചലമായത്. ഇത്രയധികം സമയം ഫേസ്ബുക്കും ഇന്സ്റ്റഗ്രാമും നിശ്ചലമാകുന്നതും അപൂര്വമാണ്. ഇതിനു മുമ്ബ് സമാനമായ സംഭവങ്ങളുണ്ടായിട്ടുണ്ടെങ്കിലും ഇത്രയധികം നേരം പ്രവര്ത്തനരഹിതമായിരുന്നില്ല. ഇക്കുറി ഫേസ്ബുക്ക് തനിയെ ലോഗ് ഔട്ടാവുകയായിരുന്നു. പിന്നീട് പ്രശ്നം പരിഹരിച്ചശേഷം ലോഗ് ഇന് ആകുകയും ചെയ്തു.
ഉപയോക്താക്കള്ക്ക് ഉണ്ടായ ബുദ്ധിമുട്ടില് ഖേദം അറിയിച്ച മെറ്റ പ്രശ്നം പൂര്ണമായി പരിഹരിക്കാന് ശ്രമിക്കുന്നതായും വ്യക്തമാക്കി.