അനിരുദ്ധ് രവിചന്ദറും കാവ്യ മാരനും ഗ്രീസിൽ വിവാഹിതരായി
തെന്നിന്ത്യൻ സംഗീതലോകത്തും ക്രിക്കറ്റ് ബിസിനസ് രംഗത്തും ഒരുപോലെ ചർച്ചയായിരുന്ന ആ പ്രണയവാർത്തയ്ക്ക് ഒടുവിൽ വിവാഹത്തിന്റെ മനോഹരമായ പരിസമാപ്തി! പ്രശസ്ത സംഗീത സംവിധായകൻ അനിരുദ്ധ് രവിചന്ദറും സൺറൈസേഴ്സ് ഹൈദരാബാദിന്റെ സഹ ഉടമ കാവ്യ മാരനും വിവാഹിതരായി. വിവാഹാഘോഷത്തിന്റെ ചിത്രം അനിരുദ്ധ് തന്നെയാണ് സമൂഹമാധ്യമങ്ങളിലൂടെ പങ്കുവെച്ചത്. കാവ്യയുടെ കൈപിടിച്ച് നിൽക്കുന്ന അനിരുദ്ധിന്റെ ചിത്രമാണ് ആരാധകർക്കായി പുറത്തുവിട്ടത്. “ജീവിതത്തിൽ ഒരിക്കൽ മാത്രം സംഭവിക്കുന്നത്, എന്നാൽ ജീവിതകാലം മുഴുവൻ നിലനിൽക്കുന്നത്” എന്ന ഹൃദ്യമായ അടിക്കുറിപ്പോടെയാണ് താരം ചിത്രം പങ്കുവെച്ചത്.
ഐവറി നിറത്തിലുള്ള വസ്ത്രത്തിലാണ് അനിരുദ്ധ് പ്രത്യക്ഷപ്പെട്ടത്. ബ്ലഷ് പിങ്ക് നിറത്തിലുള്ള മനോഹരമായ വസ്ത്രമാണ് കാവ്യ തിരഞ്ഞെടുത്തത്. ഇരുവരുടെയും വിവാഹചിത്രം പുറത്തുവന്നതോടെ ആരാധകരും സിനിമാ-ക്രിക്കറ്റ് ലോകവും ആശംസകളുമായി രംഗത്തെത്തി.
ഗ്രീസിൽവെച്ചാണ് ഇരുവരുടെയും സ്വകാര്യ വിവാഹച്ചടങ്ങുകൾ നടന്നത്. നവംബർ 10, 11 തീയതികളിലായിരുന്നു വിവാഹാഘോഷങ്ങൾ നിശ്ചയിച്ചിരുന്നത്. അടുത്ത ബന്ധുക്കളും പ്രമുഖരുമടങ്ങുന്ന അതിഥികളുടെ സാന്നിധ്യത്തിലായിരുന്നു ചടങ്ങുകൾ.
അനിരുദ്ധിന്റെ ബന്ധു കൂടിയായ സൂപ്പർതാരം രജനികാന്തും കുടുംബവും കഴിഞ്ഞ ദിവസം ഗ്രീസിലെത്തിയിരുന്നു. മുൻ തമിഴ്നാട് മുഖ്യമന്ത്രി എം.കെ. സ്റ്റാലിനും വിവാഹാഘോഷത്തിൽ പങ്കെടുക്കുന്നതിനായി ഗ്രീസിലേക്ക് പോയിരുന്നു. സ്വകാര്യമായി സംഘടിപ്പിച്ച വിവാഹത്തിന് പിന്നാലെ ചെന്നൈയിൽ വലിയൊരു വിവാഹസൽക്കാരവും ഒരുക്കിയിട്ടുണ്ട്. നവംബർ 21-നാണ് ചെന്നൈയിൽ വിവാഹസൽക്കാരം
