മഹാശിവരാത്രിയ്ക്ക് മുന്നോടിയായുള്ള ചടങ്ങിനിടെ തീപിടിത്തം; മൗറീഷ്യസില് ആറ് തീര്ത്ഥാടകര് മരിച്ചു
പോര്ട്ട് ലൂയിസ്: മൗറീഷ്യസില് മഹാശിവരാത്രിയ്ക്ക് മുന്നോടിയായുള്ള ചടങ്ങിനിടെയുണ്ടായ തീപ്പിടിത്തതില് ആറ് തീര്ത്ഥാടകര് മരിച്ചു.
പരിക്കേറ്റവരില് ഒരാളുടെ ആരോഗ്യനില ഗുരുതരമാണ്. മാര്ച്ച് എട്ടിന് നടക്കുന്ന ശിവരാത്രി ഉത്സവത്തിന് മുന്നോടിയായി നടന്ന ചടങ്ങിനിടെയാണ് അപകടമുണ്ടായത്. ചടങ്ങിനോട് അനുബന്ധിച്ച് ഇവിടുത്തെ ഹിന്ദു സമൂഹം പവിത്രമായി കരുതുന്ന ഗ്രാന്ഡ് ബേസിന് തടാകത്തിന് സമീപത്തേക്ക് കാല്നടയായി യാത്ര ചെയ്യുകയായിരുന്നു തീര്ത്ഥാടകര്.
അതേസമയം ശിവരാത്രി ആഘോഷത്തിനിടെയുണ്ടായ അപകടത്തില് തനിക്ക് ദുഃഖമുണ്ടെന്നും ദുരന്തത്തില് മരിച്ചവരുടെ കുടുംബത്തിന് അനുശോചനം രേഖപ്പെടുത്തുന്നതായും വിദേശകാര്യ മന്ത്രി എസ് ജയശങ്കർ എക്സില് കുറിച്ചു.