ജമ്മു കശ്മീർ മുൻ ഗവർണർ സത്യപാൽ മാലിക് അന്തരിച്ചു

ജമ്മു കശ്മീർ മുൻ ഗവർണർ സത്യപാൽ മാലിക് അന്തരിച്ചു. 79 വയസ്സായിരുന്നു. ഡൽഹി റാം മനോഹർ ലോഹ്യ ആശുപത്രിയിൽ ചികിത്സയിലിരിക്കെയാണ് അന്ത്യം. ജമ്മു കശ്മീരിന്റെ ചരിത്രത്തിലെ നിർണായകമായ ഒരു അധ്യായത്തിനാണ് സത്യപാൽ മാലിക് എന്ന ഗവർണർ സാക്ഷ്യം വഹിച്ചത്.

2018 ഓഗസ്റ്റ് മുതൽ 2019 ഒക്ടോബർ വരെ ജമ്മു കശ്മീർ സംസ്ഥാനത്തിന്റെ ഗവർണറായി സേവനമനുഷ്ഠിച്ചു. സത്യപാൽ മാലികിന്റെ ഭരണകാലത്താണ്, ആർട്ടിക്കിൾ 370 റദ്ദാക്കി സംസ്ഥാനത്തിന്റെ പ്രത്യേക പദവി ഇല്ലാതാക്കിയത്.