ഹലോ ഫ്രം മെലോഡി ടീം; മോദിക്കൊപ്പം സെല്‍ഫിയെടുത്ത് മെലോണി
ന്യൂഡല്‍ഹി: ജി7 ഉച്ചകോടിക്കിടെ പ്രധാനമന്ത്രി നരേന്ദ്ര മോദിക്കൊപ്പം സെല്‍ഫി വീഡിയോ എടുത്ത് ഇറ്റാലിയൻ പ്രധാനമന്ത്രി ജോർജിയ മെലോണി.
ഹായ് ഫ്രണ്ട്സ് ഫ്രം മെലോഡി എന്ന് പറഞ്ഞ് കൈവീശിക്കാണിച്ചാണ് മെലോണി വീഡിയോ എടുക്കുന്നത്. ഇതു കേട്ട് മോദി ചിരിക്കുന്നതും കൈ വീശുന്നതും വീഡിയോയില്‍ കാണാം. ഇറ്റലിയിലെ അപുലിയയില്‍ നടക്കുന്ന ഉച്ചകോടിക്കിടെയാണ് ഇറ്റാലിയൻ പ്രധാനമന്ത്രി വീഡിയോ പോസ്റ്റ് ചെയ്തത്.
മൂന്നാം തവണ അധികാരത്തിലെത്തിയ ശേഷം നരേന്ദ്രമോദി ആദ്യമായി സന്ദർശിക്കുന്ന വിദേശരാഷ്ട്രമാണ് ഇറ്റലി. ബ്രിട്ടീഷ് പ്രധാനമന്ത്രി റിഷി സുനക്, ഫ്രഞ്ച് പ്രസിഡണ്ട് ഇമ്മാനുവല്‍ മക്രോണ്‍, യുഎസ് പ്രസിഡണ്ട് ജോ ബൈഡൻ തുടങ്ങിയ ലോക നേതാക്കളുമായി മോദി കൂടിക്കാഴ്ച നടത്തി.
കഴിഞ്ഞ വർഷം ഡിസംബറില്‍ ദുബൈയില്‍ നടന്ന കാലാവസ്ഥാ ഉച്ചകോടിക്കിടെ (COP28) മോദിയും മെലോണിയും എടുത്ത സെല്‍ഫിയും ചർച്ചയായിരുന്നു. നല്ല സുഹൃത്തുക്കള്‍ COP28യില്‍, മെലോഡി എന്ന അടിക്കുറിപ്പോടെയാണ് ഇവർ ചിത്രം പങ്കുവച്ചിരുന്നത്.
