മലമ്ബുഴ ഉദ്യാനത്തില് പുഷ്പമേള
പാലക്കാട് ജില്ലാ ടൂറിസം പ്രമോഷന് കൗണ്സിലിന്റെയും ജലസേചന വകുപ്പിന്റെയും ആഭിമുഖ്യത്തില് ജനുവരി 23 മുതല് 28 വരെ മലമ്ബുഴ ഉദ്യാനത്തില് പുഷ്പമേള സംഘടിപ്പിക്കും.
പുഷ്പമേളക്ക് ആകര്ഷകമായി മലമ്ബുഴ ആശ്രമം സ്കൂള്, മലമ്ബുഴ ലീഡ് കോളെജ്, മുണ്ടൂര് യുവക്ഷേത്ര കോളെജ്, ചിറ്റൂര് ഗവ കോളെജ് എന്നിവിടങ്ങളില്നിന്നുള്ള 16 വിദ്യാര്ത്ഥികള് ഉദ്യാനത്തിനകത്ത് ചുമര്ചിത്രങ്ങള് ഒരുക്കുന്നുണ്ട്. മേളയില് സ്വകാര്യ നഴ്സറികളിലെ പൂക്കളുടെ പ്രദര്ശനവും വില്പ്പനയും ഉണ്ടായിരിക്കും.
പാലക്കാടിന്റെ തനത് വിഭവങ്ങളും ഗോത്ര വിഭവങ്ങളും ഉള്പ്പെടുത്തി ഹരിതചട്ടം പാലിച്ച് ഭക്ഷ്യമേളയും സംഘടിപ്പിക്കും.