ഡ്രൈവിങ് ടെസ്റ്റ് പരിഷ്കരണത്തിൽ പ്രതിഷേധം ; സംസ്ഥാനത്ത് ഇന്നും ടെസ്റ്റുകള് മുടങ്ങി
തിരുവനന്തപുരം: സംസ്ഥാനത്ത് മുടങ്ങിയ ഡ്രൈവിങ് ടെസ്റ്റുകള് ഇന്നും തുടങ്ങാനായില്ല. സിഐടിയു ഒഴികെയുള്ള സംഘടനകള് പ്രതിഷേധിക്കുന്ന സാഹചര്യത്തിലാണ് സംസ്ഥാന വ്യാപകമായി ഇന്നും ഡ്രൈവിങ് ടെസ്റ്റുകള് മുടങ്ങിയത്.
തിരുവനന്തപുരം മുട്ടത്തറയില് ഇന്നും ഡ്രൈവിങ് ടെസ്റ്റ് നടന്നില്ല. ആരെയും ടെസ്റ്റിന് കയറ്റില്ലെന്നാണ് സമരക്കാര് എംവിഡി ഉദ്യോഗസ്ഥരെ അറിയിച്ചിരിക്കുന്നത്. കണ്ണൂര് തോട്ടടയില് സംയുക്ത സമിതിയുടെ ടെസ്റ്റ് ഗ്രൗണ്ടില് കിടന്നാണ് സമരക്കാര് പ്രതിഷേധിക്കുന്നത്. എറണാകുളത്തും ഡ്രൈവിങ് സ്കൂളുകാര് ടെസ്റ്റ് ബഹിഷ്ക്കരിച്ചു