പുതു പ്രതീക്ഷകളിലേക്ക് കോൺഗ്രസ്

പുതു പ്രതീക്ഷകളിലേക്ക് കോൺഗ്രസ്

നഷ്ടപ്രതാപവും അധികാരവും  വീണ്ടെടുക്കാനും അടുത്ത പൊതു​തെരഞ്ഞെടുപ്പിൽ ബി.ജെ.പിയെ പരാജയ​പ്പെടുത്തി കേന്ദ്രഭരണം പിടിക്കാനുമുള്ള ദൃഢനിശ്ചയത്തോടെയാണ്​ കോൺഗ്രസിന്‍റെ 85 ാം പ്ലീനറി സമ്മേളനം ഞായറാഴ്ച്ച  റായ്പൂരിൽ   സമാപിച്ചത്​.  കോൺഗ്രസ്​ അധികാരത്തിലുള്ള രണ്ടേ രണ്ടു​ സംസ്ഥാനങ്ങളി​ലൊന്നായ ഛത്തിസ്​ഗഢിലെ റായ്പൂരിൽ നടന്ന നാലുനാൾ നീണ്ട  സമ്മേളനം പിരിഞ്ഞത്​ അടുത്ത തെരഞ്ഞെടുപ്പിന് തയ്യാറെടുത്ത് തന്നെയാണ് ​.


138 വയസെങ്കിലും പ്രായമുള്ള ഇന്ത്യൻ നാഷനൽ കോൺഗ്രസ്  പ്രായാധിക്യത്തിന്റെ  അവശതകൾ   പലപ്പോഴും  കാണിക്കുന്നുവെങ്കിലും ചരിത്രത്തിന്റെ പ്രത്യേക ഘട്ടങ്ങളിൽ തങ്ങളുടെ ദൗത്യം മറക്കാറില്ലെന്നത് പ്രതീക്ഷ നൽകുന്നു. ഭാ​​ര​​ത് ജോ​​ഡോ യാ​​ത്ര​​യ്ക്കു പി​​ന്നാ​​ലെ റാ​​യ്പു​​രി​​ൽ ന​​ട​​ന്ന പ്ലീ​​ന​​റി സ​​മ്മേ​​ള​​ന​​വും പാർട്ടിയെ സ്നേഹിക്കുന്നവരിൽ  ആ​​വേ​​ശ​​മാ​​യി​​ട്ടു​​ണ്ട്. 


പ്ലീനറി സമ്മേളനത്തിൽ സംസാരിച്ച സോണിയ ഗാന്ധി  പാർട്ടിക്ക് സംഭവിച്ച ഉയർച്ച താഴ്ചകളെ  സൂചിപ്പിച്ചു . സമ്മേളനത്തിൽ അവതരിപ്പിക്കപ്പെട്ട 58 രാഷ്ട്രീയ പ്രമേയങ്ങൾ   2024ലെ ​പൊതുതെരഞ്ഞെടുപ്പിൽ ബി.ജെ.പിക്ക്​ മത്സരമില്ലെന്ന കേന്ദ്ര ആഭ്യന്തരമന്ത്രി അമിത്​ ഷായുടെ വെല്ലുവിളിക്ക് മറുപടി നൽകുന്നതായി  ​​. ബി.ജെ.പിയുടെ വെല്ലുവിളി സ്വീകരിക്കുന്നുവെന്ന്​ സമ്മേളനം തുറന്നുപറഞ്ഞു.


 രാഷ്ട്രീയ എതിരാളികളെ വാക്കുകൾ കൊണ്ട് നേരിടുന്നതിൽപതിവ് പോലെ  മുന്നിൽ നിന്നു പ്ലീനറി സമ്മേളനത്തിൽ സംസാരിച്ച രാഹുൽ ഗാന്ധി . ഗൗതം അദാനിയും പ്രധാനമന്ത്രി നരേന്ദ്ര മോഡിയും ഒന്നാണെന്ന്  പറഞ്ഞ രാഹുൽ ഗാന്ധി  അദാനിയെ അതിസമ്പന്നനാക്കിയത് കേന്ദ്ര സർക്കാരിന്റെ നയങ്ങളാണെന്ന് കുറ്റപ്പെടുത്തി.  

തെ​​ര​​ഞ്ഞെ​​ടുപ്പ് മുന്നിൽ കണ്ട് അ​​ധി​​കാ​​ര​​ത്തി​​ലെ​​ത്തി​​യാ​​ൽ  ആ​​റു ല​​ക്ഷം രൂ​​പ​​യി​​ൽ താ​​ഴെ നി​​ല​​വി​​ലു​​ള്ള കാ​​ർ​​ഷി​​ക ക​​ട​​ങ്ങ​​ൾ എ​​ഴു​​തി​ത്ത​​ള്ളും, കാ​​ർ​​ഷി​​കോ​​ത്പ​​ന്ന​​ങ്ങ​​ളു​​ടെ താ​​ങ്ങു​​വി​​ല 50 ശ​​ത​​മാ​​നം വ​​ർ​​ധി​​പ്പി​​ക്കും, റ​​ബ​​റി​​ന് 250 രൂ​​പ ഉ​​റ​​പ്പാ​​ക്കും തു​​ട​​ങ്ങി എ​​ഐ​​സി​​സി അം​​ഗീ​​ക​​രി​​ച്ച പ്ര​​മേ​​യ​​ങ്ങളുണ്ടായി   .  ജാ​​തി സെ​​ൻ​​സ​​സ് ന​​ട​​പ്പാ​​ക്കും, പി​​ന്നാ​​ക്ക ക്ഷേ​​മ​​ത്തി​​നാ​​യി ഒ​​ബി​​സി മ​​ന്ത്രാ​​ല​​യം രൂ​​പീ​​ക​​രി​​ക്കും,  ജി​​എ​​സ്ടി ല​​ളി​​ത​​മാ​​ക്കും തു​​ട​​ങ്ങി​​യ പ്ര​​ഖ്യാ​​പ​​ന​​ങ്ങളും ഉണ്ടായി . തൊഴിലില്ലായ്മ, ദാരിദ്ര്യനിർമാർജനം, പണപ്പെരുപ്പം, സ്ത്രീശാക്തീകരണം, ദേശസുരക്ഷ തുടങ്ങിയ വിഷയങ്ങൾ  ഉൾപ്പെടുത്തി വിഷൻ ഡോക്യുമെന്‍റ്​   പുറത്തിറക്കാനും  പാർട്ടി ലക്ഷ്യമിടുന്നു ​.


ഭരണഘടന ഭേദഗതി ചെയ്ത്​ പാർട്ടി പദവികളിൽ അമ്പതു ശതമാനം പട്ടികജാതി/വർഗ/ന്യൂനപക്ഷവിഭാഗങ്ങൾക്കായി സംവരണം ചെയ്തതും, സംവരണം ചെയ്തതും അല്ലാത്തതുമായ എല്ലാ പദവികളിലും പാതി സ്ത്രീകൾക്കും യുവാക്കൾക്കുമായി നീക്കിവെച്ചതും സ്വാഗതാർഹമായി  ​.


 മ​​റ്റു പ്ര​​തി​​പ​​ക്ഷ പാ​​ർ​​ട്ടി​​ക​​ൾ​​ക്കും രാ​​ജ്യ​​ത്തെ വോ​​ട്ട​​ർ​​മാ​​ർ​​ക്കും വ്യ​​ക്ത​​മാ​​യ സ​​ന്ദേ​​ശ​​ങ്ങ​​ൾ കൈ​​മാ​​റു​​ന്ന പ്ര​​ഖ്യാ​​പ​​ന​​ങ്ങ​​ളും സ​​മ്മേ​​ള​​ന​​ത്തി​​ൽ ഉ​​ണ്ടാ​​യെങ്കിലും ഉ​​ൾ​​പ്പാ​​ർ​​ട്ടി ജ​​നാ​​ധി​​പ​​ത്യ​​ത്തി​​ൽ തീ​ർ​ത്തും ഉ​​ൾ​​വ​​ലി​​ഞ്ഞ പാ​​ർ​​ട്ടി​​യെയാണ് റാ​​യ്പു​​രി​​ൽ ക​ണ്ടത് .  പ്ര​​വ​​ർ​​ത്ത​​കസ​​മി​​തി​​യി​​ലേ​​ക്കു​​ള്ള തെ​​ര​​ഞ്ഞെ​​ടു​​പ്പ് പ്ലീ​​ന​​റി ഒ​​ഴി​​വാ​​ക്കി​​യ​​ത് സ്വന്തം പാർട്ടിയിൽ ജനാധിപത്യത്തെ അട്ടിമറിക്കുന്നു എന്ന വിമർശനങ്ങൾക്ക് ആക്കം കൂട്ടുന്നതായി .


പാ​​ർ​​ട്ടി​​ക്കു​​ള്ളി​​ലെ പ്ര​​തി​​സ​​ന്ധി​​ക​​ൾ പ​​രി​​ഹ​​രി​​ക്കാ​​നും പ്ര​​തി​​പ​​ക്ഷ​​ത്തെ ഒ​​ന്നി​​പ്പിച്ച് നിർത്താനുംകഴിഞ്ഞാൽ അ​​ടു​​ത്ത തെ​​ര​​ഞ്ഞെ​​ടു​​പ്പി​​ൽ മോ​​ദി​​യെ  വിജയകരമായി നേരിടാനാകും .മ​​മ​​താ ബാ​​ന​​ർ​​ജി, അ​​ര​​വി​​ന്ദ് കേ​​ജ​​രി​​വാ​​ൾ,  കെ. ​​ച​​ന്ദ്ര​​ശേ​​ഖ​​ര്‍ റാ​​വു എ​​ന്നി​​വരൊക്കെ   പ്ര​​ധാ​​ന​​മ​​ന്ത്രി കസേര പണ്ടേ നോക്കി വച്ചിരിക്കുന്നവരാണ് എന്നതിനാൽ   പ്ര​​തി​​പ​​ക്ഷ​​ത്തെ ഒ​​ന്നി​​പ്പി​​ക്കു​​ന്ന​​തും എ​​ളു​​പ്പ​​മ​​ല്ല. രാ​​ഹു​​ൽ ഗാ​​ന്ധി ന​​യി​​ക്കു​​ന്ന ജോ​​ഡോ യാ​​ത്ര​​യു​​ടെ ര​​ണ്ടാം ഘ​​ട്ടം അ​​വ​​സാ​​നി​​ക്കും മുമ്പ്  അ​​തൊ​​ക്കെ പ​​രി​​ഹ​​രി​​ച്ചാ​​ൽ നഷ്ടപ്രതാപം വീണ്ടെടുക്കാൻ പാർട്ടിക്ക് സാധിക്കുമെന്നതിൽ സംശയമില്ല .


കൈകൾ കോർത്തു മുന്നോട്ട്​ (ഹാഥ്​ സേ ഹാഥ്​ ജോഡോ) എന്നാണ്​   കോൺഗ്രസ്സിന്റെ പുതിയ ​ മുദ്രാവാക്യം.  പ്രയോഗത്തിൽ വരുത്താനായാൽ കോൺഗ്രസിന് ഇനിയും  അങ്കത്തിന് സാധിക്കുമെന്നത് പ്രതീക്ഷ നൽകുന്നു.