ചിന്താ ജെറോമിനെ കാറിടിപ്പിച്ച സംഭവത്തില്‍ യൂത്ത് കോണ്‍ഗ്രസ് പ്രവര്‍ത്തകര്‍ക്കെതിരെ കേസ്

ഇന്നലെ രാത്രി എട്ടു മണിക്ക് തിരുമുല്ലവാരത്ത് ചാനല്‍ ചർച്ച കഴിഞ്ഞ് മടങ്ങാൻ ശ്രമിക്കുന്നതിനിടെ ചിന്തയെ മനഃപൂർവം കാർ ഇടിപ്പിക്കുകയായിരുന്നു എന്നാണ് പരാതി. സംഭവത്തില്‍, യൂത്ത് കോണ്‍ഗ്രസ് പ്രവർത്തകൻ സെയ്ദലി, കെ എസ് യു ജില്ലാ വൈസ് പ്രസിഡന്റ് ഫൈസല്‍ എന്നിവർക്കെതിരെയാണ് പരാതി നല്‍കിയിരിക്കുന്നത്.

കാർ പിന്നോട്ടെടുത്തപ്പോള്‍ അബദ്ധത്തില്‍ ചിന്തയുടെ ദേഹത്ത് മുട്ടുകയായിരുന്നു എന്നാണ് യൂത്ത് കോണ്‍ഗ്രസിന്റെ വിശദീകരണം. കൊല്ലം വെസ്റ്റ് പൊലീസാണ് കേസ് രജിസ്റ്റര് ചെയ്തതിരിക്കുന്നത്. വധശ്രമം, ഗൂഢാലോചന, അസഭ്യം പറയല്‍, ഭീഷണിപ്പെടുത്തല്‍ തുടങ്ങിയ കുറ്റങ്ങള്‍ ചുമത്തിയിട്ടുണ്ട്. പരിക്കേറ്റ ചിന്ത ജെറോം പാലത്തറയിലെ സ്വകാര്യ ആശുപത്രിയില്‍ ചികിത്സയിലാണ്.