'മഞ്ഞുമ്മല് ബോയ്സ്' സംവിധായകന് ചിദംബരത്തിനെതിരെ ലൈംഗികാതിക്രമ കേസ്
‘മഞ്ഞുമ്മല് ബോയ്സ്’ സിനിമയുടെ സംവിധായകന് ചിദംബരത്തിനെതിരെ ലൈംഗികാതിക്രമക്കേസ്. യുവതിയുടെ പരാതിയില് എറണാകുളം സൗത്ത് പൊലീസ് കേസെടുത്തു. ബിഎന്എസ് 74, 75 വകുപ്പുകള് ചുമത്തിയാണ് കേസ്. ഞായറാഴ്ചയാണ് കേസെടുത്തത്.
2022ല് എളംകുളത്തെ യുവതിയുടെ ഫ്ളാറ്റില് അതിക്രമിച്ച് കയറി ലൈംഗീക ഉദ്ദേശത്തോടെ പെരുമാറി എന്നാണ് കേസ്. സംഭവത്തില് അന്വേഷണം പുരോഗമിക്കുകയാണെന്ന് പൊലീസ് പറഞ്ഞു.
യുവതിയുടെ പരാതിയില് വിശദമായ അന്വേഷണം തുടരുകയാണെന്ന് എറണാകുളം സൗത്ത് പൊലീസ് അറിയിച്ചു. കേസില് ചിദംബരത്തെ ചോദ്യം ചെയ്യുമെന്നും, ആവശ്യമെങ്കില് അറസ്റ്റ് അടക്കമുള്ള നടപടികള് സ്വീകരിക്കുമെന്നും പൊലീസ് സൂചിപ്പിച്ചു.
മഞ്ഞുമ്മല് ബോയ്സ്, ജാൻ എ മൻ സിനിമകളുടെ സംവിധായകനാണ് ചിദംബരം. കമ്മട്ടിപ്പാടം, ഈട തുടങ്ങിയ ചിത്രങ്ങളുടെ സഹസംവിധായകനായിരുന്നു.
