നമുക്കും ചേർന്നു പാടാം കരോൾ ഗാനം: Mary Alex (മണിയ)
2000 വർഷങ്ങൾക്കു മുൻപ് മാനവരാശിയുടെ രക്ഷക്കായി പിതാവാം ദൈവം പുത്രനായ യേശുവിനെ മറിയം എന്ന പരിശുദ്ധ കന്യകയുടെ ഉദരത്തിൽ വചനത്താൽ ഉരുവാക്കി ഭൂമിയിൽ ജനിപ്പിച്ചു. അങ്ങനെ ബെത്‌ലഹേമിൽ ഉണ്ണിയേശു ജാതനായി. ആടുകളെ മേയിച്ചു നടന്ന ഒരു കൂട്ടം ആട്ടിടയർക്ക് ഒരു രാത്രിയിൽ ആടുകളുടെ സുരക്ഷക്കായി ഉറങ്ങാതെ തീ കാഞ്ഞു കാത്തിരുന്നപ്പോൾ സ്വർഗത്തിൽ നിന്ന് ഒരശരീരിയിലുടെ ഈ ദൈവപുത്രന്റെ ജനനത്തെക്കുറിച്ച് അറിയിപ്പു ലഭിച്ചു. മറ്റൊരു ദിക്കിൽ ആകാശത്തു കാണപ്പെട്ട ഒരു വാൽ നക്ഷത്രം വിദ്വാന്മാർക്ക് വഴികാട്ടിയായി. കേട്ടവർ കേട്ടവർ വാൽ നക്ഷത്രത്തെ പിന്തുടർന്ന് ബെത്‌ലഹേമിലെ കാലിതൊഴുത്തിൽഎത്തി. ശിരസ്സിനു ചുറ്റും പ്രഭാവലയവുമായി 'അതിശോഭയോടെ പുൽമെത്തയിൽ കീറ്റുശീലയിൽ പൊതിഞ്ഞു കിടത്തിയ ആ പൈതലിനെ അവർ കണ്ടു. അവർ ആനന്ദനൃത്തത്താൽ ആറാടി.
നമുക്കും അവരോടൊപ്പം ചേർന്ന് നമുക്കു വേണ്ടി ഭൂമിയിൽ ജനിച്ച നമ്മുടെ രക്ഷകനെ കാണാം. ആ ദിവ്യശിശുവിന്റെ ജനനത്തിന്റെ ഓർമ്മയെ ആഘോഷിക്കാം.
