ശബരിമലയില്‍ നടവരവ് 204.30 കോടി രൂപ
ശബരിമല: ശബരിമലയില്‍ ഇതുവരെയുള്ള നടവരവ് 204.30 കോടി രൂപ. ഡിസംബര്‍ 25 വരെയുള്ള തിരുവിതാംകൂര്‍ ദേവസ്വം ബോര്‍ഡിന്‍റെ കണക്ക് പ്രകാരമാണിത്.
കാണിക്കയായി ലഭിച്ചത് 63.89 കോടി രൂപയാണ്. അരവണ വില്‍പനയില്‍ 96.32 കോടി രൂപയും, അപ്പം വില്‍പനയില്‍ 12.38 കോടി രൂപയും ലഭിച്ചു. ഡിസംബര്‍ 25വരെ 31,43,163 പേരാണ് ശബരിമലയില്‍ ദര്‍ശനം നടത്തിയത്. പമ്ബാ ഹില്‍ടോപ്പില്‍ രണ്ടായിരം ചെറുവാഹനങ്ങള്‍ പാര്‍ക്ക് ചെയ്യാനുള്ള സൗകര്യമുണ്ടെന്നും ഇതിനുള്ള അനുമതിക്കായി ഹൈക്കോടതിയെ സമീപിച്ചിട്ടുണ്ടെന്നും പ്രസിഡന്റ്‌ പറഞ്ഞു.
മണ്ഡലപൂജയ്ക്കുശേഷം നാളെ രാത്രി അടയ്ക്കുന്ന ശബരിമല നട, മകരവിളക്ക് ഉത്സവത്തിനായി ഡിസംബര്‍ 30ന് വൈകിട്ട് വീണ്ടും തുറക്കും. 2024 ജനുവരി 15നാണ് മകരവിളക്ക്. ജനുവരി 20 വരെ ഭക്തര്‍ക്ക് ദര്‍ശനത്തിനുള്ള സൗകര്യമുണ്ടായിരിക്കും.
