ബ്രിക്സ് ഉച്ചകോടി: പ്രധാനമന്ത്രി മോദി ബ്രസീലിൽ

റിയോ ഡി ജനീറോ: പതിനേഴാം ബ്രിക്സ് ഉച്ചകോടിയിൽ പങ്കെടുക്കുന്നതിനായി പ്രധാനമന്ത്രി നരേന്ദ്ര മോദി ബ്രസീലിൽ എത്തി. പരമ്പരാഗത സംഗീത നൃത്തപരിപാടികളോടെയാണ് പ്രധാനമന്ത്രിയെ വരവേറ്റത്. ജൂലൈ 6,7 തിയതികളിലാണ് ബ്രിക്സ് ഉച്ചതോടി. പഞ്ച രാഷ്ട്ര സന്ദർശനത്തിന്‍റെ ഭാഗമായി ഘാന, ട്രിനിഡാഡ്, ടുബാഗോ , അർജന്‍റീന എന്നീ രാജ്യങ്ങളും മോദി സന്ദർശിച്ചിരുന്നു.

ബ്രസീലിൽ നാലു ദിവസങ്ങൾ ചെലവഴിച്ചതിനു ശേഷം നമീബിയ കൂടി സന്ദർശിക്കും. ബ്രികിസ് ഉച്ചകോടിക്കു ശേഷം വിവിധ രാഷ്ട്ര നേതാക്കളുമായി മോദി കൂടിക്കാഴ്ച നടത്തുമെന്നാണ് കരുതുന്നത്. ഇന്ത്യ, ചൈന, ബ്രസീൽ, റഷ്യ, ദക്ഷിണാഫ്രിക്ക എന്നീ രാജ്യങ്ങളാണ് ബ്രിക്സിൽ ഉള്ളത്.