പത്മശ്രീ തിരിച്ച് നല്കി ബജ്റംഗ് പൂനിയ
ബ്രിജ്ഭൂഷണ് ശരണ് സിങ്ങിന്റെ വിശ്വസ്തനും ബിസിനസ് പങ്കാളിയുമായ സഞ്ജയ് സിങ് റെസ്ലിങ് ഫെഡറേഷന് ഓഫ് ഇന്ത്യയുടെ (ഡബ്ല്യൂഎഫ്ഐ) പ്രസിഡന്റായി തെരഞ്ഞടുത്തതില് പ്രതിഷേധിച്ച് പത്മശ്രീ പുരസ്കാരം തിരിച്ചുനല്കി ഗുസ്തി താരം ബജ്റംഗ് പൂനിയ.
തനിക്ക് രാജ്യം നല്കിയ ആദരം തിരിച്ചുനല്കുന്നതായി പൂനിയ എക്സില് കുറിച്ചു. പ്രധാനമന്ത്രിക്ക് അയച്ച കത്തും താരം ഇതോടൊപ്പം പങ്കുവച്ചിട്ടുണ്ട്. ബ്രിജ് ഭൂഷണെയും അദ്ദേഹത്തിന്റെ അടുത്ത അനുയായികളെയും ഗുസ്തി ഫെഡറേഷനില് നിന്ന് മാറ്റുമെന്ന് കേന്ദ്രകായിക മന്ത്രി ഉറപ്പു നല്കിയിരുന്നു. ആ ഉറപ്പ് പാലിക്കാത്ത സാഹചര്യത്തിലാണ് നടപടിയെന്നും പൂനിയ പറയുന്നു.