കോലിക്കും അനുഷ്കയ്ക്കും ആണ്‍കുഞ്ഞ് പിറന്നു, വാമികയ്ക്ക് കൂട്ടായി അകായ്
ഇന്ത്യൻ ക്രിക്കറ്റർ വിരാട് കോലിക്കും നടി അനുഷ്ക ശർമയ്ക്കും ആണ്‍കുഞ്ഞ് പിറന്നു. കോലി തന്നെ ഇൻസ്റ്റഗ്രാം ഹാൻഡിലിലൂടെയാണ് വിവരം പുറംലോകത്തെ അറിയിച്ചത്.
'ഫെബ്രുവരി 15 ന് ഞങ്ങള്‍ ഞങ്ങളുടെ ആണ്‍കുഞ്ഞ് അകായിയെ വാമികയുടെ കുഞ്ഞ് സഹോരനെ ഈ ലോകത്തേക്ക് സ്വാഗതം ചെയ്തു. ഞങ്ങളുടെ ജീവിതത്തിലെ ഈ മനോഹരമായ സമയത്ത് നിങ്ങളുടെ അനുഗ്രഹങ്ങളും ആശംസകളും ഞങ്ങള്‍ തേടുന്നു.'
'ഈ സമയത്ത് ഞങ്ങളുടെ സ്വകാര്യതയെ ബഹുമാനിക്കാൻ ഞങ്ങള്‍ നിങ്ങളോട് അഭ്യർത്ഥിക്കുന്നു', എന്നാണ് രണ്ടാമത് ഒരു കുഞ്ഞ് കൂടി പിറന്ന സന്തോഷം പങ്കിട്ട് ഇരുവരും സോഷ്യല്‍മീഡിയയില്‍ കുറിച്ചത്. സെലിബ്രിറ്റികള്‍ അടക്കം നിരവധി സിനിമാപ്രേമികള്‍ വിരുഷ്കയ്ക്ക് ആശംസകള്‍ നേർന്ന് എത്തി.
