നിതീഷ് കുമാര് എന്ഡിഎ സഖ്യത്തില് ചേരുമെന്ന റിപ്പോര്ട്ട് തള്ളി ജെഡിയു
ഡല്ഹി: ബിഹാറില് എന്ഡിഎ സഖ്യത്തിനൊപ്പം ജെഡിയു ചേരുമെന്നും നിതീഷ് കുമാര് മുഖ്യമന്ത്രിയാകുമെന്നുമുള്ള റിപ്പോര്ട്ടുകള് തള്ളി ജെഡിഎയു സംസ്ഥാന അധ്യക്ഷന്. ബിഹാറില് ബിജെപിയുടെ മുഖ്യമന്ത്രിയായി നിതീഷ് കുമാര് ഞായറാഴ്ച സത്യപ്രതിജ്ഞ ചെയ്യുമെന്ന് ഉള്പ്പെടെ ദേശീയ മാധ്യമങ്ങള് റിപ്പോര്ട്ട് ചെയ്തതിന് പിന്നാലെയാണ് ഇക്കാര്യങ്ങള് നിഷേധിച്ച് ജെഡിയു രംഗത്തെത്തിയത്.
അഭ്യൂഹങ്ങള്ക്കിടെ നിതീഷ് കുമാര് ഇന്ന് രാജ്ഭവനിലെത്തി. രാജ്ഭവനില് സാംസ്കാരിക പരിപാടിയില് പങ്കെടക്കാനാണ് രാജ്ഭവനിലെത്തിയത്.
ജെഡിയു ഇന്ത്യ സഖ്യത്തില് തന്നെ തുടരുമെന്നും റിപ്പോര്ട്ടുകള് അടിസ്ഥാന രഹിതമാണെന്നും ജെഡിയു ബിഹാര് അധ്യക്ഷന് ഉമേഷ് കുശ്വാഹ പറഞ്ഞു.