മൂന്ന് വിരലുകൾ , കവിത, റോയ് പഞ്ഞിക്കാരൻ
എന്നെന്നേക്കുമായി ആരും നിലനിൽക്കില്ല എന്നറിയാം .
ജീവിതത്തിൽ നേട്ടങ്ങളുടെ കണക്കെടുത്താൽ ,
അതിനുള്ളിലെ ദുഃഖത്തിന്റെ,
സ്നേഹബന്ധത്തിന്റെ നിഴലുകൾ .
ആന്തരിക പോരാട്ടങ്ങളിൽ
അടുത്ത ബന്ധങ്ങളിൽ
വിള്ളൽ വീഴ്ത്താതെ
ഈ യാത്രയിൽ തിരക്കിലാണ്
ഞാനിന്നും .
ഞാൻ എനിക്ക് തന്നെ അന്യനാകുന്ന ഈ ജീവിത
യാത്രയിൽ
മൂന്നു വിരലുകൾ എനിക്ക് നേരെ.
ആരാണ് നീ?
അല്ലെങ്കിൽ ഞാൻ ?
