ഹോർമുസ് കടലിടുക്കിൽ മൈനുകൾ നിക്ഷേപിക്കുന്ന ബോട്ടുകളെ കണ്ടാലുടൻ വെടിവയ്ക്കാൻ ട്രംപിന്റെ ഉത്തരവ്

വാഷിങ്ടൺ: ഹോർമുസ് കടലിടുക്കിൽ തടസം സൃഷ്ടിക്കുന്ന ഇറാനിയൻ ചെറുബോട്ടുകളെ കണ്ടാലുടൻ വെടിവെച്ചു വീഴ്ത്താൻ യുഎസ് പ്രസിഡന്റ് ഡൊണാൾഡ് ട്രംപ് അമേരിക്കൻ സൈന്യത്തിന് ഉത്തരവിട്ടു. ജലപാതയിൽ സൈന്യം മൈനുകൾ നീക്കം ചെയ്യുന്ന പ്രവർത്തനങ്ങൾ ഊർജിതമാക്കുകയാണെന്നും ട്രംപ് സോഷ്യൽ മീഡിയയിൽ പങ്കുവെച്ച കുറിപ്പിൽ പറഞ്ഞു.

"ഹോർമുസ് കടലിടുക്കിൽ മൈനുകൾ സ്ഥാപിക്കുന്ന ഏത് ബോട്ടുകളെയും, അത് എത്ര ചെറിയ ബോട്ടുകളാണെങ്കിലും ശരി, വെടിവെച്ചു വീഴ്ത്താൻ ഞാൻ യുണൈറ്റഡ് സ്റ്റേറ്റ്സ് നേവിക്ക് ഉത്തരവ് നൽകിയിട്ടുണ്ട്. യാതൊരു മടിയും പാടില്ല. മൈനുകൾ നീക്കാൻ അവിടെ തിരച്ചിൽ നടത്തിക്കൊണ്ടിരിക്കുകയാണ്. ആ പ്രവർത്തനം മൂന്നിരട്ടി വേഗത്തിൽ തുടരാൻ ഉത്തരവിടുന്നു" ട്രംപ് കുറിച്ചു.

അതേസമയം, ഇന്ത്യൻ മഹാസമുദ്രത്തിൽ വെച്ച് 'മജസ്റ്റിക് എക്സ്' എന്ന എണ്ണക്കപ്പൽ പിടിച്ചെടുത്തതായി യുഎസ് പ്രതിരോധ മന്ത്രാലയം അറിയിച്ചു.