കൊല്ലത്ത് സഹോദരനൊപ്പം ട്യൂഷന് പോകുന്നതിനിടെ 6 വയസുകാരിയെ തട്ടിക്കൊണ്ട് പോയി
കൊല്ലം ഓയൂരില് 6 വയസുകാരിയെ തട്ടിക്കൊണ്ട് പോയതായി പരാതി. ഓയൂര് സ്വദേശി റജിയുടെ മകള് അഭികേല് സാറ റെജിയെയാണ് തട്ടിക്കൊണ്ട് പോയത്.ഓയൂര് കാറ്റാടിമുക്കില് വെച്ച് കാറില് എത്തിയ 4 പേരുള്പ്പെട്ട സംഘം കുട്ടിയെ തട്ടികൊണ്ട് പോവുകയായിരുന്നു.
വെള്ള നിറത്തിലുള്ള ഹോണ്ട അമേസ് കാറിലാണ് കുട്ടിയെ തട്ടികൊണ്ട് പോയത്. മൂത്ത മകന് ജോനാഥനൊപ്പം ട്യൂഷന് പോകുമ്ബോഴാണ് സംഭവം. തടയാന് ശ്രമിച്ച തന്നെ വലിച്ചിഴച്ചതായി സഹോദരന് 8 വയസുള്ള ജോനാഥന് പറയുന്നു. സംഭവത്തില് പൊലീസ് അന്വേഷണം തുടരുകയാണ്.പരാതിയുടെ അടിസ്ഥാനത്തില് പൂയപ്പള്ളി പൊലീസ് അന്വേഷണം ആരംഭിച്ചു.
കാറില് നാലുപേരുണ്ടായിരുന്നുവെന്ന് കുട്ടിയുടെ സഹോദരന് പറഞ്ഞു. മൂന്നു പുരുഷന്മാരും ഒരു സ്ത്രീയുമടക്കം കാറില് നാലുപേര് ഉണ്ടായിരുന്നു. ഒരു പേപ്പര് തന്ന് അമ്മയ്ക്ക് കൊടുക്കുമോ എന്ന് കാറിലുള്ളവര് പറഞ്ഞതായി സഹോദരന് പറയുന്നു. പെണ്കുട്ടിയെ കാറിലേക്ക് വലിച്ചിഴച്ചു കൊണ്ടുപോയി. ആണ്കുട്ടി തടുക്കാന് ശ്രമിച്ചപ്പോള് കാര് പെട്ടെന്ന് മുന്നോട്ടെടുക്കുകയും ആണ്കുട്ടി താഴെ വീഴുകയുമായിരുന്നു.
ദൃശ്യങ്ങളില് കാറ് കണ്ടെത്തി. എന്നാല് കാറിന്റെ നമ്പര് ദൃശ്യങ്ങളില് വ്യക്തമല്ല