100 ദിവസത്തെ വില്ലൻ ചുമ; മുന്നറിയിപ്പുമായി ആരോഗ്യ വിദഗ്‌ദ്ധര്‍
അതിവേഗം പടര്‍ന്ന് കൊണ്ടിരിക്കുന്ന ചുമയെകുറിച്ച്‌ മുന്നറിയിപ്പ് നല്‍കി ആരോഗ്യ വിദഗ്‌ദ്ധര്‍. 100 ദിവസം നീണ്ട് നില്‍ക്കുന്ന വില്ലൻ ചുമ യുകെയില്‍ വളരെ വേഗത്തിലാണ് പടര്‍ന്ന് പിടിക്കുന്നത്.
ബോര്‍ഡിടെല്ല പെര്‍ട്യൂസിസ് എന്ന ബാക്ടീരിയയാണ് ഈ ശ്വാസകോശ അണുബാധക്ക് കാരണം. ജൂലൈ മുതല്‍ നവംബര്‍ വരെ 716 കേസുകളാണ് റിപ്പോര്‍ട്ട് ചെയ്തിട്ടുള്ളത്. 2022-ല്‍ ഇതേ കാലയളവില്‍ ഉണ്ടായ വില്ലൻ ചുമയേക്കാള്‍ മൂന്നിരട്ടി കൂടുതലാണത്. ശ്വാസകോശത്തെയും ശ്വാസനാളിയെയും ബാധിക്കുന്ന ഒന്നാണ് വില്ലൻ ചുമ. കുട്ടികളില്‍ അപകടകരമായിരുന്ന ഈ രോഗം 1950-ല്‍ വാക്‌സിൻ കണ്ടുപിടിച്ചതോടെ നിയന്ത്രിക്കാനായി.
എന്നാല്‍ ഈ 100 ദിവസത്തെ വില്ലൻ ചുമ കുട്ടികളില്‍ മാത്രമല്ല മുതിര്‍ന്നവരിലും ആഘാതം സൃഷ്ടിക്കാൻ സാധ്യത കൂടുതലാണ്. ഛര്‍ദി, വാരിയെല്ലുകള്‍ തകരുക, മൂത്രാശയ രോഗങ്ങള്‍, ചെവിയില്‍ അണുബാധ, ഹെര്‍ണിയ എന്നിവക്കെല്ലാം ഈ ചുമ കാരണമാവുന്നുണ്ട്.
