2008 ന് ശേഷം ജനിച്ചവർക്ക് ആജീവനാന്ത സിഗരറ്റ് നിരോധനം: സുപ്രധാന ബിൽ പാസാക്കി യുകെ

2008 ന് ശേഷം ജനിച്ചവർക്ക് ആജീവനാന്ത സിഗരറ്റ് നിരോധനത്തിന് സുപ്രധാന ബിൽ പാസാക്കി യുകെ.  ''പുകയില രഹിത തലമുറ" സൃഷ്ടിക്കുന്നതിന് വഴിയൊരുക്കുന്ന ടുബാക്കോ ആൻഡ് വേപ്സ് ബിൽ പാർലമെന്റ് പാസാക്കിയാൽ, 17 വയസ്സോ അതിൽ താഴെയോ പ്രായമുള്ള കുട്ടികൾക്ക് സിഗരറ്റ് വാങ്ങുന്നതിന് ആജീവനാന്ത വിലക്ക് നേരിടേണ്ടിവരും. നിയമനിർമ്മാണം പ്രകാരം, 2009 ജനുവരി 1-നോ അതിനുശേഷമോ ജനിച്ച ആർക്കും പുകയില വിൽക്കുന്നത് നിയമവിരുദ്ധമായിരിക്കും.

കോമൺസും ഹൗസ് ഓഫ് ലോർഡ്‌സും ഇപ്പോൾ അംഗീകരിച്ച ബിൽ, രാജകീയ അനുമതി ലഭിച്ചാലുടൻ പ്രാബല്യത്തിൽ വരും. പുകയില, വാപ്പിംഗ്, നിക്കോട്ടിൻ ഉൽപ്പന്നങ്ങൾ (അവയുടെ രുചികൾ, പാക്കേജിംഗ്, മാർക്കറ്റിംഗ് എന്നിവ ഉൾപ്പെടെ) നിയന്ത്രിക്കുന്നതിനുള്ള പുതിയ അധികാരങ്ങളും ഇത് മന്ത്രിമാർക്ക് നൽകുന്നു.

 തടയാവുന്ന മരണം, വൈകല്യം, രോഗം എന്നിവയ്ക്കുള്ള പ്രധാന കാരണങ്ങളിലൊന്നായ പുകവലിയുടെ ആരോഗ്യപരമായ ആഘാതം പരിഹരിക്കുന്നതിനുള്ള വിശാലമായ ശ്രമങ്ങളുടെ ഭാഗമാണ് ഈ നിയമനിർമ്മാണം.

കൂടാതെ, കുട്ടികളെ കൊണ്ടുപോകുന്ന കാറുകൾ, കളിസ്ഥലങ്ങൾ, സ്കൂളുകൾക്കും ആശുപത്രികൾക്കും പുറത്തുള്ള സ്ഥലങ്ങൾ എന്നിവയുൾപ്പെടെ ചില പൊതു ഇടങ്ങളിൽ വാപ്പിംഗ് നിയന്ത്രിക്കപ്പെടും, നിലവിലുള്ള പുകവലി രഹിത നിയമങ്ങൾ വിപുലീകരിക്കും.