വര്‍ക്കലയില്‍ യുവാവിന്റെ മരണം ഭക്ഷ്യവിഷബാധയെ തുടര്‍ന്നെന്ന് സ്ഥിരീകരണം
തിരുവനന്തപുരം: വര്‍ക്കലയില്‍ യുവാവിന്റെ മരണം ഭക്ഷ്യവിഷബാധയെ തുടര്‍ന്നെന്ന് സ്ഥിരീകരണം. വര്‍ക്കലയിലെ ഒരു കടയില്‍ നിന്നും വാങ്ങിയ കേക്ക് കഴിച്ചതിന് പിന്നാലെ ഒരേ കുടുംബത്തിലെ എല്ലാവര്‍ക്കും ശാരീരികാസ്വസ്ഥത അനുഭവപ്പെട്ടിരുന്നു. ഈ കുടുംബത്തിലെ 23 കാരനായ വിജുവാണ് മരിച്ചത്.
വ്യാഴാഴ്ചയാണ് കേക്ക് ക്കഴിച്ചത്. ശേഷം കുടുംബാംഗങ്ങള്‍ക്കെല്ലാം ഛര്‍ദിയും വയറിളക്കവും ഉണ്ടായിരുന്നുവെന്ന് ബന്ധുക്കള്‍ പറഞ്ഞു. ശനിയാഴ്ച പുലര്‍ചെയോടെ ആരോഗ്യനില വഷളായപ്പോഴാണ് വിജുവിനെ പാരിപ്പള്ളിയിലെ ആശുപത്രിയിലേക്ക് കൊണ്ടുപോയത്. വിജുവിന് പിന്നാലെ അമ്മയെയും മൂന്നു സഹോദരങ്ങളെയും ആശുപത്രിയില്‍ പ്രവേശിപ്പിച്ചു. വിജുവിന്റെ അമ്മ തീവ്രപരിചരണ വിഭാഗത്തിലാണ്.
അതേസമയം, കട ഭക്ഷ്യസുരക്ഷാ ഉദ്യോഗസ്ഥര്‍ സീല്‍ ചെയ്തു.
