'ഒരു രാജ്യം ഒരു തെരഞ്ഞെടുപ്പ്':നടപ്പാക്കാൻ കടമ്പകളേറെ

ലോ​ക്സ​ഭ, നി​യ​മ​സ​ഭ, ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പു​ക​ള്‍  ഒ​രു​മി​ച്ചു ന​ട​ത്താ​ന്‍ ല​ക്ഷ്യ​മി​ടുന്ന  'ഒരു രാജ്യം ഒരു തെരഞ്ഞെടുപ്പ്' ശിപാർശയ്ക്ക്‌  കേന്ദ്ര മന്ത്രിസഭയുടെ അംഗീകാരം .  ഒരു രാജ്യം ഒരു തെരഞ്ഞെടുപ്പ് വിഷയം പഠിക്കാൻ  മുന്‍ രാഷ്ട്രപതി രാംനാഥ് കോവിന്ദ് അധ്യക്ഷനായി​ നിയോഗിച്ച ഉന്നതതല സമിതിയുടെ  റിപ്പോർട്ടിനാണ്‌ മന്ത്രിസഭ അംഗീകാരം നൽകിയത്‌.

പ്ര​തി​പ​ക്ഷ എ​തി​ർ​പ്പു​ക​ളെ അ​വ​ഗ​ണി​ച്ചു​കൊ​ണ്ടാ​ണ് കേ​ന്ദ്ര​മ​ന്ത്രി​സ​ഭ "ഒ​രു രാ​ജ്യം, ഒ​റ്റ തെ​ര​ഞ്ഞെ​ടു​പ്പ്' എ​ന്ന ഏ​കീ​കൃ​ത തെ​ര​ഞ്ഞെ​ടു​പ്പ് ശി​പാ​ർ​ശ​യ്ക്ക് അം​ഗീ​കാ​രം ന​ൽ​കി​യി​രി​ക്കു​ന്ന​ത്. ഇ​ത​നു​സ​രി​ച്ച്, ലോ​ക്സ​ഭ​യി​ലേ​ക്കും നി​യ​മ​സ​ഭ​ക​ളി​ലേ​ക്കും ഒ​ന്നി​ച്ചു തെ​ര​ഞ്ഞെ​ടു​പ്പ് ന​ട​ത്തി​യ​ശേ​ഷം 100 ദി​വ​സ​ത്തി​നു​ള്ളി​ൽ ത​ദ്ദേ​ശ തെ​ര​ഞ്ഞെ​ടു​പ്പു​ക​ളും ന​ട​ത്താ​നാ​ണ് ഉ​ദ്ദേ​ശി​ക്കു​ന്ന​ത്. 

2029ൽ ​ന​ട​ത്താ​നി​രി​ക്കു​ന്ന അ​ടു​ത്ത ലോ​ക്സ​ഭാ തെ​ര​ഞ്ഞെ​ടു​പ്പി​ൽ പുതിയ തിരഞ്ഞെടുപ്പ് രീതി  ന​ട​പ്പാ​ക്കാ​നാ​ണ് ബി​ജെ​പിയുടെ നീക്കം . തെ​ര​ഞ്ഞെ​ടു​പ്പു​ക​ള്‍ ഒ​രേ​സ​മ​യം ന​ട​ത്തു​ന്ന​ത് ചെ​ല​വ് ചു​രു​ക്കാ​നും വി​ക​സ​നം കാ​ര്യ​ക്ഷ​മ​മാ​ക്കാ​നും സ​ഹാ​യി​ക്കു​മെ​ന്നാ​ണ് ബി​ജെ​പി​  അ​വ​കാ​ശപ്പെടുന്നത് . തെ​ര​ഞ്ഞെ​ടു​പ്പ്  തുടർച്ചയായി ന​ട​ത്തു​ന്ന​ത് രാ​ജ്യ​പു​രോ​ഗ​തി​ തടസപ്പെടുത്തുമെ​ന്ന്  ചെ​ങ്കോ​ട്ട​യി​ലെ ക​ഴി​ഞ്ഞ സ്വാ​ത​ന്ത്ര്യ​ദി​ന പ്ര​സം​ഗ​ത്തി​ൽ  പ്ര​ധാ​ന​മ​ന്ത്രി ചൂണ്ടിക്കാട്ടിയി​രു​ന്നു.  

ഒ​റ്റ​യ്ക്ക് ഭൂ​രി​പ​ക്ഷ​മി​ല്ലാ​ത്ത സ​ർ​ക്കാ​രി​ന് പുതിയ തിരഞ്ഞെടുപ്പ് രീതി ന​ട​പ്പി​ലാ​ക്കാ​ൻ ഏ​റെ പ്ര​തി​സ​ന്ധി​ക​ളു​ണ്ടാ​കും എ​ന്ന് വിലയിരുത്തപ്പെടുന്നുണ്ടെങ്കിലും  ബി​ജെ​പി ഇത്  ത​ള്ളി​ക്ക​ള​യു​ക​യാ​ണ്.  കു​റ​ഞ്ഞ​ത് അ​ഞ്ച് ഭ​ര​ണ​ഘ​ട​നാ ഭേ​ദ​ഗ​തി​യെ​ങ്കി​ലും ഇ​തി​നാ​യി വേ​ണ്ടി​വ​രു​മെ​ന്നും  ഇ​തി​നാ​വ​ശ്യ​മാ​യ അം​ഗ​ബ​ലം ലോ​ക്സ​ഭ​യി​ലോ രാ​ജ്യ​സ​ഭ​യി​ലോ ന​രേ​ന്ദ്ര മോ​ദി​ക്കി​ല്ലെ​ന്നും കോ​ണ്‍​ഗ്ര​സ് നേ​താ​വ് പി. ​ചി​ദം​ബ​രം പ​​റ​യു​ക​യു​ണ്ടാ​യി. തെ​ര​ഞ്ഞെ​ടു​പ്പ് അ​ടു​ക്കു​മ്പോ​ൾ യ​ഥാ​ർ​ഥ പ്ര​ശ്‌​ന​ങ്ങ​ളി​ൽ​നി​ന്ന് ശ്ര​ദ്ധ തി​രി​ക്കാ​നാ​ണ് ബി​ജെ​പി ഇ​ത്ത​രം കാ​ര്യ​ങ്ങ​ളു​മാ​യി ഇ​റ​ങ്ങു​ന്ന​തെ​ന്നാ​ണ് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ ആ​രോ​പി​ച്ച​ത്.  

രാജ്യത്തെ മുഖ്യപ്രതിപക്ഷ കക്ഷികളുടെ ശക്തമായ എതിർപ്പിനെ കണക്കിലെടുക്കാതെ  പദ്ധതിയുമായി മുന്നോട്ട്പോകാൻ കേന്ദ്ര മന്ത്രിസഭ പച്ചക്കൊടി കാണിച്ചുവെങ്കിലും  പുതിയ സംവിധാനം പ്രാവർത്തികമാകണമെങ്കിൽ നിർണായകമായ ഭരണഘടന ഭേദഗതികൾക്ക് പാർലമെന്റും പകുതി സംസ്ഥാന നിയമസഭകളും അനുമതി നൽകേണ്ടതുണ്ട്.

പു​തി​യ സം​വി​ധാ​നം സാ​മ്പ​ത്തി​ക​ലാ​ഭ​ത്തെ ലക്ഷ്യമിടുമ്പോൾ  ജ​നാ​ധി​പ​ത്യ​വ്യ​വ​സ്ഥ​യുടെ പ്രാധാന്യത്തെ  നശിപ്പിക്കുമെന്ന ആശങ്കയുമുണ്ട്.  രാ​ജ്യ​ത്ത് ആ​റ്‌ ദേ​ശീ​യ പാ​ർ​ട്ടി​ക​ളും 57 സം​സ്ഥാ​ന പാ​ർ​ട്ടി​ക​ളും 2,597 അം​ഗീ​കാ​രം ല​ഭി​ക്കാ​ത്ത പാ​ർ​ട്ടി​ക​ളു​മു​ണ്ടെന്നാണ് തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ ക​ണക്ക് പറയുന്നത് . ദേ​ശീ​യ പാ​ർ​ട്ടി​ക​ൾ ഒ​ഴി​കെ ബാ​ക്കി​യെ​ല്ലാം പ്രാ​ദേ​ശി​ക താ​ത്പ​ര്യ​ങ്ങ​ൾ​ക്കും സം​സ്കാ​ര​ത്തി​നു​മ​നു​സ​രി​ച്ച് പ്ര​വ​ർ​ത്തി​ക്കു​ന്ന​വ​യാ​ണ്. സം​സ്ഥാ​ന​ങ്ങ​ളി​ലെ വി​ഷ​യ​ങ്ങ​ളി​ലൂ​ന്നി തെ​ര​ഞ്ഞെ​ടു​പ്പു ന​ട​ക്കു​ന്പോ​ൾ അ​തി​ൽ മാ​ത്രം ശ്ര​ദ്ധ​യൂ​ന്നാ​നും ആ​വ​ശ്യ​ങ്ങ​ൾ ച​ർ​ച്ച ചെ​യ്യാ​നും സാ​ധി​ക്കും. ഏ​കീ​കൃ​ത തെ​ര​ഞ്ഞെ​ടുപ്പി​ൽ ദേ​ശീ​യ വി​ഷ​യ​ങ്ങ​ളും സം​സ്ഥാ​ന വി​ഷ​യ​ങ്ങ​ളും പ​ഞ്ചാ​യ​ത്തു ത​ല​ വി​ഷ​യ​ങ്ങ​ളും ഒ​രേ​സ​മ​യം ച​ർ​ച്ച ചെ​യ്യേ​ണ്ടി​വ​രു​ന്ന​ത് വോ​ട്ട​ർ​മാ​രെ കൺഫ്യൂഷ്യനിലാക്കുമെന്ന് തീർച്ച. 

പുതിയ തിരഞ്ഞെടുപ്പ് രീതി വരുന്നതിലൂടെ  തെ​ര​ഞ്ഞെ​ടു​പ്പു ചെ​ല​വു​ക​ൾ കു​റ​യ്ക്കാ​മെ​ന്ന സ​ർ​ക്കാ​രി​ന്‍റെ വാ​ദം ശരിയാ​കാം. പ​ക്ഷേ, ജ​ന​ങ്ങ​ളു​ടെ നി​രീ​ക്ഷ​ണത്തി​ൽ​നി​ന്ന് സ​ർ​ക്കാ​രി​ന് അ​ഞ്ചു വ​ർ​ഷ​ത്തേ​ക്കു തു​ട​ർ​ച്ച​യാ​യി ഒ​ഴി​വു കി​ട്ടു​മെ​ന്ന​ത് ജ​നാ​ധി​പ​ത്യത്തെ സംബന്ധിച്ച് ശുഭകരമല്ല . ഏ​കീ​കൃ​ത തെ​ര​ഞ്ഞെ​ടു​പ്പ് രീതി വരുന്നത്  തു​ട​ർ​ന്നു​ള്ള അ​ഞ്ചു വ​ർ​ഷ​ത്തെ ജ​നാ​ധി​പ​ത്യ​ത്തെ​യും  ജ​നാ​ധി​പ​ത്യ ഭാ​വി​യെ​യും അ​ട്ടി​മ​റി​ക്കാ​നു​ള്ള സാ​ധ്യ​ത​സൃഷ്ടി​ക്കു​ന്നു​ണ്ട്. അതുകൊണ്ട് ഇക്കാര്യത്തിൽ  കൂടുതൽ ചർച്ചകൾ ഉണ്ടാവേണ്ടതുണ്ട് .

കേരളത്തിന്റെ കാര്യമെടുത്താൽ 2029ലെ പൊതുതെരഞ്ഞെടുപ്പിനൊപ്പം നിയമസഭ തെരഞ്ഞെടുപ്പ് നടത്താൻ രണ്ടാം പിണറായി സർക്കാറിന്റെ കാലാവധി 2026ൽ നിന്ന് 29വരെയാക്കി മൂന്ന് വർഷം ദീർഘിപ്പിക്കുകയോ  2026ൽ തെരഞ്ഞെടുക്കപ്പെടുന്ന പുതിയ സർക്കാറിന്റെ കാലാവധി രണ്ടുവർഷത്തിലേറെ വെട്ടിച്ചുരുക്കുകയോ ചെയ്യണം. എല്ലാ സംസ്ഥാനങ്ങളുടെയും കാര്യത്തിൽ  ഇങ്ങനെ ചെയ്യേണ്ടിവരും.  ഒരിക്കൽ ഒറ്റ തെരഞ്ഞെടുപ്പായി നടത്തിയാലും കാലാവധി തീരും മുമ്പ് സർക്കാറുകൾ വീണാലും  അവിശ്വാസ പ്രമേയം പാസായാലും സർക്കാരുകളുടെ കാലാവധി ഒന്നിച്ചുള്ള തെരഞ്ഞെടുപ്പിന് അനുസൃതമായി രണ്ടും മൂന്നും നാലും വർഷങ്ങൾ വെട്ടിച്ചുരുക്കേണ്ടി വരും. ആ നിയമസഭ തെരഞ്ഞെടുപ്പിന് ചെലവഴിക്കുന്ന പണം പാഴാകാനേ ഇത് സഹായിക്കൂ.  

പാർലമെൻ്റ് പാസാക്കിയ രണ്ട് ഭരണഘടനാ ഭേദഗതി ബില്ലുകളെ ആശ്രയിച്ചാണ് പദ്ധതി നിലവില്‍ വരുന്നത്. എന്നാല്‍ വിവിധ പാർട്ടികളുടെ സമ്മതവും ഉണ്ടെങ്കിലേ സർക്കാരിന് പദ്ധതി നടപ്പാക്കാൻ സാധിക്കൂ . ലോക്സഭയില്‍ ബിജെപിക്ക് സ്വന്തമായി ഭൂരിപക്ഷമില്ലാത്തതിനാല്‍ എൻഡിഎയിലെ സഖ്യകക്ഷികളും പ്രതിപക്ഷ കക്ഷികളുമായും  ചർച്ച ചെയ്യേണ്ടി വരും.

ബിജെപിയുടെ ‘ഒരു രാജ്യം ഒരു തെരഞ്ഞെടുപ്പ്’ നയത്തെ തങ്ങള്‍ പിന്തുണയ്ക്കുന്നുവെന്ന്  വ്യക്തമാക്കി  എന്‍ഡിഎ  സഖ്യ കക്ഷിയായ ബിഹാര്‍ മുഖ്യമന്ത്രി നിതീഷ്‌ കുമാറിന്‍റെ ജനതാദള്‍ (യുണൈറ്റഡ്) രംഗത്തുവന്നിട്ടുണ്ട്. പദ്ധതി രാജ്യത്തിന്‍റെ മൊത്തത്തിലുള്ള വികസനത്തിന് സഹായകമാകുമെന്നും പാര്‍ട്ടി വക്താവ് രാജീവ് രഞ്ജന്‍ വ്യക്തമാക്കി.

'ഒരു രാജ്യം ഒരൊറ്റ തെരഞ്ഞെടുപ്പ്'  രീതി തിടുക്കത്തിൽ നടപ്പാക്കേണ്ട കാര്യമല്ല. ജനാധിപത്യ വ്യവസ്ഥയ്ക്ക്  പോറലേല്പിക്കാതെ വേണം ഇത്തരം രീതികൾ നടപ്പാക്കാൻ എന്നത് ഗൗരവശ്രദ്ധയർഹിക്കുന്ന കാര്യമാണ്.