ഇഡി റെയ്ഡിനെതിരെ സിഎംആർഎൽ; ഹൈക്കോടതി ഡിവിഷൻ ബെഞ്ചിനെ സമീപിച്ചു
എൻഫോഴ്സ്മെന്റ് ഡയറക്ടറേറ്റ് നടത്തുന്ന അന്വേഷണം നിർത്തിവെക്കണമെന്ന ആവശ്യവുമായി സിഎംആർഎൽ ഹൈക്കോടതി ഡിവിഷൻ ബെഞ്ചിനെ സമീപിച്ചു. ഈ അപ്പീൽ ഹർജി അടിയന്തരമായി പരിഗണിക്കണമെന്നാണ് കമ്പനിയുടെ ആവശ്യം. സിഎംആർഎൽ ഓഫീസുകളിൽ ഇഡി വിപുലമായ റെയ്ഡുകൾ നടത്തിയതിനും തുടർനടപടികളിലേക്ക് നീങ്ങുന്നതിനും പിന്നാലെയാണ് കമ്പനിയുടെ ഈ നിർണ്ണായക നീക്കം.
നേരത്തെ ഇഡി അന്വേഷണത്തിനെതിരെ സിഎംആർഎൽ നൽകിയ ഹർജി ഹൈക്കോടതി സിംഗിൾ ബെഞ്ച് തള്ളിയിരുന്നു. ഇഡിക്ക് സമാന്തര അന്വേഷണം നടത്താൻ നിയമപരമായ അധികാരമുണ്ടെന്ന് വ്യക്തമാക്കിയായിരുന്നു സിംഗിൾ ബെഞ്ച് ഉത്തരവ്. ഈ ഉത്തരവിനെ ചോദ്യം ചെയ്തുകൊണ്ടാണ് ഇപ്പോൾ കമ്പനി ഡിവിഷൻ ബെഞ്ചിനെ സമീപിച്ചിരിക്കുന്നത്.
ഡൽഹി ഹൈക്കോടതിയുടെ ചില നിർദ്ദേശങ്ങൾ ചൂണ്ടിക്കാട്ടി, എസ്എഫ്ഐഒ നൽകിയ പരാതിയുടെ അടിസ്ഥാനത്തിൽ ഇഡിക്ക് അന്വേഷണം നടത്താൻ കഴിയില്ലെന്നാണ് സിഎംആർഎല്ലിന്റെ പ്രധാന വാദം
