യുപി ബാഗ്പത് ദര്‍ഗയുടെ ഉടമസ്ഥാവകാശം ഹിന്ദു പക്ഷത്തിന് വിട്ട് നല്‍കി കോടതി
ഉത്തർപ്രദേശിലെ ബാഗ്പത് ജില്ലയിലെ ബർണാവ ഗ്രാമത്തിലെ ദർഗയുടെ ഉടമസ്ഥാവകാശം ഹിന്ദു പക്ഷത്തിന് വിട്ട് നല്‍കാൻ ബാഗ്പത് ജില്ലാ കോടതി ഉത്തരവിട്ടു. ദർഗ വിട്ടുനല്‍കണമെന്ന് ആവശ്യപ്പെട്ട് മുസ്ലിം പക്ഷം സമർപ്പിച്ച ഹർജി തള്ളിക്കൊണ്ടാണ് കോടതിയുടെ ഉത്തരവ്. സൂഫി വര്യൻ ബദറുദ്ദീൻ ഷായുടെ ദർഗയാണ് ഇതെന്ന് മുസ്ലിം പക്ഷം പറയുന്നു. ബാഗ്പത് ജില്ലയിലെ ഹിൻഡൻ, കൃഷ്ണ നദികളുടെ സംഗമസ്ഥാനത്ത് സ്ഥിതി ചെയ്യുന്ന ചരിത്രപ്രസിദ്ധമായ ഈ കുന്ന് മഹാഭാരതത്തിലെ 'ലക്ഷഗൃഹം' (പാണ്ഡവരുടെ പുരാതന കൊട്ടാരം) ആണെന്നാണ് ഹിന്ദു പക്ഷത്തിന്റെ വാദം.
