ആക്രി വിറ്റ് കേന്ദ്രസര്ക്കാര് നേടിയത് 1,163 കോടി
ഓഫീസുകളിലെ ആക്രി വില്പനയിലൂടെ കേന്ദ്രസര്ക്കാര് നേടിയത് 1,163 കോടി രൂപയെന്ന് റിപ്പോര്ട്ട്. പ്രധാനമന്ത്രിയുടെ ഓഫീസ് തന്നെയാണ് വിവരം ട്വിറ്ററിലൂടെ പങ്കുവച്ചത്.
'രണ്ട് ചന്ദ്രയാൻ ദൗത്യങ്ങളുടെ ബഡ്ജറ്റിന് തുല്യമായ 1,163 കോടി രൂപ സ്ക്രാപ്പ് വില്പ്പനയിലൂടെ മോദി സര്ക്കാര് സമ്ബാദിച്ചു.' വെന്നും ട്വിറ്ററില് കുറിക്കുന്നു. 2021 ഒക്ടോബര് മാസം മുതല് ആക്രിസാധനങ്ങള് വിറ്റവകയിലാണ് 1,163 കോടി ലഭിച്ചത്.
ഈ വര്ഷം മാത്രം 557 കോടി രൂപ ലഭിച്ചു. കേന്ദ്രസര്ക്കാര് ഓഫീസുകളില് 96 ലക്ഷം പഴയ ഫയലുകളുണ്ടായിരുന്നെന്നും ഇവ നീക്കിയതോടെ ഓഫീസുകളിലാകെ ഒഴിവുവന്ന 355 ലക്ഷം ചതുരശ്രയടി സ്ഥലം പ്രയോജനപ്പെടുത്താനായെന്നും റിപ്പോര്ട്ട് വ്യക്തമാക്കുന്നു.