പ്രധാനമന്ത്രിയെ അധിക്ഷേപിക്കുന്ന പോസ്റ്റുകൾ; മെറ്റ ഇന്ത്യ മേധാവിക്കെതിരെയും കേസ്
ന്യൂഡൽഹി: കോക്രോച്ച് ജനതാ പാർട്ടി (സിജെപി) പ്രതിഷേധങ്ങൾക്കിടയിൽ പ്രധാനമന്ത്രി നരേന്ദ്ര മോദിയ്ക്ക് എതിരെ സോഷ്യൽ മീഡിയയിൽ വ്യാജവും ആക്ഷേപകരവുമായ കണ്ടന്റുകൾ പ്രചരിപ്പിച്ച സംഭവത്തിൽ തെലങ്കാന സൈബർ ക്രൈം പോലീസ് രണ്ട് കേസുകൾ രജിസ്റ്റർ ചെയ്തു. നിരവധി ഫേസ്ബുക്ക്, ഇൻസ്റ്റാഗ്രാം അക്കൗണ്ട് ഓപ്പറേറ്റർമാരെയും മെറ്റാ ഇന്ത്യ മേധാവിയെയും കേസിൽ പ്രതി ചേർത്തിട്ടുണ്ട്. വിഷയത്തിൽ മെറ്റ ഇതുവരെ പ്രതികരിച്ചിട്ടില്ല.
പ്രധാനമന്ത്രിയുടെ വ്യാജ വീഡിയോകളും ചിത്രങ്ങളും സോഷ്യൽ മീഡിയയിൽ പ്രചരിപ്പിച്ചതായി ആരോപിച്ച് ബിജെപി പ്രവർത്തകർ നൽകിയ പരാതിയിലാണ് നടപടി. ജൂലൈ 29നാണ് കേസ് എടുത്തത്. സംഭവത്തിൽ സോഷ്യൽ മീഡിയ ഹാൻഡിലുകൾ കൈകാര്യം ചെയ്യുന്നവരെ പോലീസ് തിരയുന്നുണ്ട്.
