മദ്യലൈസന്സ് അഴിമതി: കെസിആറിന്റെ മകൾ കെ. കവിത അറസ്റ്റിൽ
ബംഗളൂരു: ഡല്ഹി മദ്യലൈസന്സ് അഴിമതിയുമായി ബന്ധപ്പെട്ട് ബിആര്എസ് നേതാവും തെലങ്കാന മുന് മുഖ്യമന്ത്രി കെ ചന്ദ്രശേഖര റാവുവിന്റെ മകളുമായ കെ കവിത അറസ്റ്റില്. ഹൈദരാബാദിലെ ജൂബിലി ഹില്സില് കവിതയുടെ വസതിയില് എന്ഫോഴ്സ്മെന്റ് ഡയറക്ടറേറ്റ് (ഇഡി), ഐടി വകുപ്പുകള് ഇന്നു റെയ്ഡ് നടത്തിയതിന് പിന്നാലെയാണ് അറസ്റ്റ്. റെയ്ഡിനു പിന്നാലെ കവിതയെ കസ്റ്റഡിയിലെടുത്തിരുന്നു.
ഇന്ന് ഉച്ചയോടെ കസ്റ്റഡിയിലെടുത്ത കവിതയുടെ അറസ്റ്റ് വൈകിട്ടോടെ രേഖപ്പെടുത്തി. ഹൈദരാബാദിലെ ജൂബിലി ഹില്സില് കവിതയുടെ വസതിയില് എന്ഫോഴ്സ്മെന്റ് ഡയറക്ടറേറ്റ് (ഇ.ഡി), ഐടി വകുപ്പുകള് ഇന്നു റെയ്ഡ് നടത്തിയിരുന്നു.