ഗൗതമിയുടെ സ്വത്തുതട്ടിയ സംഘം തൃശൂരില്‍ അറസ്റ്റില്‍
തൃശൂര്‍: നടി ഗൗതമിയുടെ 25 കോടി രൂപയുടെ സ്വത്തുതട്ടിയെടുത്ത കേസിലെ മുഖ്യപ്രതികള്‍ പിടിയില്‍. നിര്‍മാതാവായ അളഗപ്പന്‍, ഭാര്യ നാച്ചല്‍ തുടങ്ങിയവരാണ് ഇന്നലെ കുന്നംകുളത്തുവച്ച്‌ അറസ്റ്റിലായത്.
20 വര്‍ഷം മുൻപാണ് അനാഥയും ഒരു കുട്ടിയുടെ ഏക രക്ഷിതാവുമായ തന്നെ കരുതലുള്ള ഒരു മുതിര്‍ന്ന വ്യക്തിയെ പോലെ അളഗപ്പന്‍ സമീപിച്ചതെന്നും പിന്നീട് വിശ്വാസവഞ്ചനയിലൂടെ സ്വത്ത് തട്ടിയെടുത്തെന്നുമാണ് ഗൗതമിയുടെ പരാതി. പവര്‍ ഓഫ് അറ്റോണിയുടെ ബലത്തിലാണ് 25 കോടിയുടെ സ്വത്ത് അളഗപ്പന്‍ തട്ടിയെടുത്തതെന്നും തനിക്കും മകള്‍ക്കും വധഭീഷണിയുണ്ടെന്നും നടി ആരോപിച്ചിരിന്നു. നവംബറില്‍ നല്‍കിയ പരാതിയില്‍ ആറുപേര്‍ക്കെതിരെയാണ് കേസെടുത്തത്
