ഭാരത് അരിയുമായി കേന്ദ്രം; കിലോയ്ക്ക് 25 രൂപ
ന്യൂഡല്‍ഹി: ഭാരത് ആട്ട, ഭാരത് ദാല്‍ എന്നിവയ്ക്ക് പിന്നാലെ കിലോയ്ക്ക് 25 രൂപയക്ക് ഭാരത് അരി വില്‍ക്കാൻ പദ്ധതിയുമായി കേന്ദ്രം.
സര്‍ക്കാര്‍ ഏജൻസികളായ നാഷണല്‍ അഗ്രിക്കള്‍ച്ചറല്‍ കോ - ഓപ്പറേറ്റീവ് മാര്‍ക്കറ്റിംഗ് ഫെഡറേഷൻ ഓഫ് ഇന്ത്യ ( നാഫെഡ്), നാഷണല്‍ കോ- ഓപ്പറേറ്റീവ് കണ്‍‌സ്യൂമേഴ്സ് ഫെഡറേഷൻ ഓഫ് ഇന്ത്യ ലിമിറ്റഡ്, കേന്ദ്രീയ ഭണ്ഡാര്‍ ഔട്ട് ലെറ്റുകള്‍, സഞ്ചരിക്കുന്ന വില്‍പന ശാലകള്‍ എന്നിവിടങ്ങളിലാണ് ഭാരത് അരി ലഭിക്കുക.
സര്‍ക്കാര്‍ ഇതിനകം തന്നെ ആട്ടയും പയര്‍വര്‍ഗവും ഈ ബ്രാൻഡിന് കീഴില്‍ വില്‍ക്കുന്നുണ്ട്. ഫുഡ് കോര്‍പ്പറേഷൻ ഓഫ് ഇന്ത്യ ( എഫ് സി ഐ) നടത്തിയ ഇ ലേലം വഴി ഓപ്പണ്‍ മാര്‍ക്കറ്റില്‍ ഓഫ് ലോഡ് ചെയ്യുന്ന തുക വ‍ര്‍ദ്ധിപ്പിച്ച്‌ ഗോതമ്ബ് വില ഉയരുന്നത് നിയന്ത്രിക്കാൻ സര്‍ക്കാരിന് കഴിഞ്ഞിരുന്നു. എന്നാല്‍ അരിയുടെ കാര്യത്തില്‍ സാധിച്ചിരുന്നില്ല.
