എക്‌സിന്റെ പരസ്യവരുമാനം ഗാസയിലേയും ഇസ്രയേലിലേയും ആശുപത്രികള്‍ക്ക്; ഇലോണ്‍ മസ്‌ക്

ഇസ്രയേല്‍- ഹമാസ് യുദ്ധം തുടരുന്ന പശ്ചാത്തലത്തിലാണ് പ്രഖ്യാപനം. പരസ്യ- സബ്സ്ക്രിപ്ഷൻ ഇനത്തിലുള്ള മുഴുവൻവരുമാനവുമാണ് ഇരുഭാഗത്തേയും ആശുപത്രികള്‍ക്ക് നല്‍കുമെന്ന് മസ്ക് എക്സില്‍ കുറിച്ചത്.

എക്സ് നല്‍കുന്ന സഹായം ഹമാസ് ദുരുപയോഗം ചെയ്യുന്നില്ലെന്ന് ഉറപ്പുവരുത്താൻ എന്തുചെയ്യുമെന്ന ചോദ്യത്തോട് ഗാസയിലെ റെഡ് ക്രെസന്റ്/ റെഡ് ക്രോസ് എങ്ങനെ പണം ചെലവഴിക്കുന്നുവെന്ന് കൃത്യമായി നിരീക്ഷിക്കുമെന്ന് മസ്ക് മറുപടി നല്‍കി. എല്ലാഭേദങ്ങള്‍ക്കും അതീതമായി നിരപരാധികളോട് കരുണകാണിക്കണമെന്നും അദ്ദേഹം ആവശ്യപ്പെട്ടു.

ഒക്ടോബര്‍ ഏഴിന് ആരംഭിച്ച ഇസ്രയേല്‍- ഹമാസ് യുദ്ധത്തില്‍ ഗാസയില്‍നിന്നുള്ള 13,000-ത്തോളം പേര്‍ക്ക് ജീവൻനഷ്ടമായി.