ബി.ജെ.പി വിരുന്നിന് വിളിച്ചപ്പോള് ചില ബിഷപ്പുമാര്ക്ക് രോമാഞ്ചമുണ്ടായി -മന്ത്രി സജി ചെറിയാൻ
ആലപ്പുഴ: ബി.ജെ.പി വിരുന്നിന് വിളിച്ചപ്പോള് ചില ബിഷപ്പുമാര്ക്ക് രോമാഞ്ചമുണ്ടായെന്ന് മന്ത്രി സജി ചെറിയാൻ. മുന്തിരി വാറ്റിയതും കേക്കും കഴിച്ചപ്പോള് മണിപ്പൂര് വിഷയം അവര് മറന്നു.
2026ലും എല്.ഡി.എഫ് അധികാരത്തില് വരും. പാര്ലമെന്റ് തെരഞ്ഞെടുപ്പിലും ഇടതുപക്ഷം വൻ ജയം നേടും. കോണ്ഗ്രസ് എവിടെയാണുള്ളത്. മുഖ്യമന്ത്രി പിണറായി വിജയനെ ചിലര് ക്രിമിനലെന്ന് വിളിക്കുന്നു. ഒരു മണ്ഡലത്തില്നിന്ന് ആറ് തവണ വിജയിച്ചയാളാണ് അദ്ദേഹം. ജനങ്ങള് ഹൃദയത്തോട് ചേര്ത്തുവെച്ചതുകൊണ്ടാണ് വൻ ഭൂരിപക്ഷത്തില് വിജയിക്കുന്നത്. മാധ്യമങ്ങള് കമ്യൂണിസ്റ്റ് വിരുദ്ധത എല്ലാ തലത്തിലും പ്രാവര്ത്തികമാക്കുന്നുവെന്നും സജി ചെറിയാൻ പറഞ്ഞു.