‘അമ്പലമുക്കിലെ വിശേഷങ്ങൾ’ ഒടിടിയിൽ

ഗോകുൽ സുരേഷ്, ലാൽ, ഗണപതി എന്നിവരെ പ്രധാന കഥാപാത്രങ്ങളാക്കി ജയറാം കൈലാസ് സംവിധാനം ചെയ്ത ‘അമ്പലമുക്കിലെ വിശേഷങ്ങൾ’ ഒടിടി പ്ലാറ്റ്‌ഫോമിൽ റിലീസ് ചെയ്തു. പ്രമുഖ ഒടിടി പ്ലാറ്റ്‌ഫോമായ ആമസോൺ പ്രൈം വീഡിയോയിലൂടെയാണ് ചിത്രം പ്രേക്ഷകരിലേക്ക് എത്തിയിരിക്കുന്നത്. വൻ താരനിര അണിനിരക്കുന്ന ഈ ചിത്രം തിയേറ്ററുകൾക്ക് പിന്നാലെ ഡിജിറ്റൽ പ്ലാറ്റ്‌ഫോമിലും ശ്രദ്ധ നേടുമെന്നാണ് അണിയറപ്രവർത്തകരുടെ പ്രതീക്ഷ.

ചന്ദ് ക്രിയേഷൻസിന്റെ ബാനറിൽ ജെ. ശരത്ചന്ദ്രൻ നായർ നിർമ്മിച്ച ഈ ചിത്രത്തിൽ സുധീർ കരമന, ധർമ്മജൻ, നോബി മാർക്കോസ്, മെറീന മൈക്കിൾ തുടങ്ങി മലയാളത്തിലെ നിരവധി പ്രമുഖ താരങ്ങൾ വേഷമിടുന്നുണ്ട്. രഞ്ജിൻ രാജാണ് ചിത്രത്തിന്റെ സംഗീത സംവിധാനം.