തീപിടിത്തമെന്ന് ഭയന്ന് ട്രാക്കിലേക്ക് എടുത്ത് ചാടി; മറ്റൊരു ട്രെയിനിടിച്ച് എട്ട് പേർക്ക് ദാരുണാന്ത്യം

മുംബൈ;  മഹാരാഷ്ട്രയില്‍ ട്രെയിനിടിച്ച് 11 പേര്‍ ദാരുണമായി മരിച്ചു. ജല്‍ഗാവ് ജില്ലയിലാണ് സംഭവം. പുഷ്പക് എക്സ്പ്രസില്‍ യാത്ര ചെയ്തവരാണ് കര്‍ണാടക എക്‌സ്പ്രസ്സ് ഇടിച്ച് മരിച്ചത്. എട്ടുപേര്‍ക്ക് ഗുരുതരമായി പരുക്കേറ്റിട്ടുണ്ട്.

ട്രെയിനിന്റെ ചക്രങ്ങളില്‍ നിന്ന് പുകയുയരുന്നത് കണ്ട് തീപ്പിടിത്തമുണ്ടായെന്ന് തെറ്റിദ്ധരിച്ച് രക്ഷപ്പെടാനുള്ള ശ്രമത്തിനിടെ തൊട്ടടുത്ത ട്രാക്കിലേക്ക് ചാടിയവരാണ് അപകടത്തില്‍ പെട്ടത്. ആ ട്രാക്കിലൂടെ എതിര്‍ദിശയില്‍ നിന്ന് വന്ന കര്‍ണാടക എക്സ്പ്രസ്സ് ട്രെയിന്‍ ഇവരെ ഇടിക്കുകയായിരുന്നു.