ലോകത്തിലെ മികച്ച സാൻഡ്‌വിച്ചുകളുടെ പട്ടികയില്‍ മുംബൈക്കാരുടെ വടാപാവ് !
മുംബൈ : ലോകത്തിലെ ഏറ്റവും മികച്ച സാൻഡ്‌വിച്ചുകളുടെ പട്ടികയില്‍ ഇടംനേടി മുംബൈക്കാരുടെ വടാപാവ് .മുംബൈ സ്ട്രീറ്റ് ഫുഡില്‍ മുൻപന്തിയില്‍ നില്‍ക്കുന്ന ഈ ഐറ്റത്തിന് വിദേശത്തും മറ്റും ആവശ്യക്കാരേറെയാണ്.
നിലവിലെ റാങ്കിംഗ് അനുസരിച്ച്‌ 19-ാം സ്ഥാനമാണ് ഈ വിഭവത്തിന്. ബാൻ മി, ടോംബിക് ഡോണർ, ഷവർമ എന്നിവയാണ് പട്ടികയിലെ ആദ്യ മൂന്ന് സ്ഥാനത്ത്.
മൃദുവായ റൊട്ടിയില്‍ ബേസാൻ ബാറ്ററില്‍ പൊതിഞ്ഞ മസാലകളും ഉരുളക്കിഴങ്ങില്‍ ഉണ്ടാക്കിയ വറുത്ത വടയും വെളുത്തുള്ളിയും ചട്നികളും ഉപയോഗിച്ചാണ് വടാപാവ് ഉണ്ടാക്കുന്നത്.
