ഫാമിലി & യൂത്ത് കോൺഫറൻസ് രജിസ്ട്രേഷൻ ഫ്ലോറൽ പാർക്ക് സെന്റ് ഗ്രിഗോറിയോസ് ഇടവകയിൽ ആരംഭിച്ചു
-ഉമ്മൻ കാപ്പിൽ
ഫ്ലോറൽ പാർക്ക് (ന്യൂയോർക്ക്): മലങ്കര സഭയുടെ നോർത്ത് ഈസ്റ്റ്
അമേരിക്കൻ ഭദ്രാസന ഫാമിലി/ യൂത്ത് കോൺഫറൻസിന്റെ രജിസ്ട്രേഷൻ
കിക്ക് ഓഫ് ജനുവരി 28 ഞായറാഴ്ച ഫ്ലോറൽ പാർക്ക് ചെറി ലെയ്‌നിൽ
സ്ഥിതി ചെയ്യുന്ന സെന്റ് ഗ്രിഗോറിയോസ് മലങ്കര ഓർത്തഡോക്സ്
ഇടവകയിൽ ആരംഭിച്ചു.
ഫാമിലി/ യൂത്ത് കോൺഫറൻസ് കമ്മിറ്റിയുടെ പ്രതിനിധി സംഘം
ജനുവരി 28-ന് ഇടവക സന്ദർശിച്ചു. വികാരി ഫാ. ഗ്രിഗറി വർഗീസ്
കോൺഫറൻസ് പ്രതിനിധികളെ ഇടവകയിലേക്ക് സ്വാഗതം ചെയ്യുകയും
കോൺഫറൻസിൽ പങ്കെടുത്ത് അനുഗ്രഹം പ്രാപിക്കാൻ ഇടവകാംഗങ്ങളെ
പ്രോത്സാഹിപ്പിക്കുകയും ചെയ്തു.
ബിനു കൊപ്പാറ (സഭാ മാനേജിങ് കമ്മിറ്റി അംഗം), മാത്യു ജോഷ്വ
(കോൺഫറൻസ് ട്രഷറർ), ദീപ്തി മാത്യു (സുവനീർ എഡിറ്റർ), ഷിബു
തരകൻ (കോൺഫറൻസ് ജോയിന്റ് സെക്രട്ടറി), രഘു നൈനാൻ, ബിപിൻ
മാത്യു (കോൺഫറൻസ് കമ്മിറ്റി അംഗങ്ങൾ ) തുടങ്ങിയവർ പ്രതിനിധി
സംഘത്തിൽ ഉണ്ടായിരുന്നു.
പ്രേംസി ജോൺ (കോൺഫറൻസ് ഫൈനാൻസ് കമ്മിറ്റി അംഗം)
കോൺഫറൻസ് ടീമിനെ പരിചയപ്പെടുത്തി. ബിനു കൊപ്പാറ വർഷങ്ങളായി
കോൺഫറൻസിൽ പങ്കെടുത്തതിൻ്റെ അനുഭവം പങ്കുവെക്കുകയും എല്ലാ
സഭാംഗങ്ങളെയും പങ്കെടുക്കാൻ പ്രോത്സാഹിപ്പിക്കുകയും ചെയ്തു.
കോൺഫറൻസിനോട് അനുബന്ധിച്ചു നടക്കുന്ന വിവിധ പരിപാടികളുടെ
വിശദാംശങ്ങൾ ഷിബു തരകൻ നൽകുകയും സഭാംഗങ്ങളുടെ പങ്കാളിത്തം
അഭ്യർത്ഥിക്കുകയും ചെയ്തു.
മാത്യു ജോഷ്വ രജിസ്‌ട്രേഷനെക്കുറിച്ചുള്ള വിശദാംശങ്ങൾ നൽകി. തുടർന്ന്
കോൺഫറൻസിൻ്റെ ആദ്യ ദിവസം വിൻധം റിസോർട്ടിന് സമീപമുള്ള
സൈറ്റ് &സൗണ്ട് തിയേറ്ററിൽ നടക്കുന്ന ഡാനിയൽ ഷോയിൽ പങ്കെടുക്കാൻ
ലഭ്യമായ പ്രത്യേക ഓഫർ വിശദീകരിച്ചു.
ബിപിൻ മാത്യു റാഫിൾ ധനസമാഹരണ വിശദാംശങ്ങൾ അവതരിപ്പിച്ചു.
ദീപ്തി മാത്യു സുവനീറിൽ ലേഖനങ്ങളും മറ്റു സർഗാത്മ സൃഷ്ടികളും
ആശംസകളും പരസ്യങ്ങളും നൽകി സഹകരിക്കാനുള്ള
മാർഗങ്ങളെക്കുറിച്ചും കോൺഫറൻസിൽ നടക്കുന്ന ടാലൻ്റ്
ഷോയെക്കുറിച്ചും വിശദാംശങ്ങൾ നൽകി. രഘു നൈനാൻ
സ്‌പോൺസർഷിപ് അവസരങ്ങളെപ്പറ്റി സംസാരിച്ചു.
ഇടവകയെ പ്രതിനിധീകരിച്ച് കെൻസ് ആദായി (ഇടവക സെക്രട്ടറി),
മാത്യു മത്തൻ, ബിജു മത്തായി (ഇടവക ട്രസ്റ്റികൾ) എന്നിവർ
സുവനീറിൻ്റെ പരസ്യം വാഗ്ദാനം ചെയ്തു. ഫാ. ഗ്രിഗറി വർഗീസും
പ്രേംസി ജോണും ഡയമണ്ട് സ്പോണ്സർമാരായി പിന്തുണ വാഗ്ദാനം
ചെയ്തു.
ഫിയോണ ജോൺ, വർഗീസ് പോത്താനിക്കാട്, ഡോ. മിനി ജോർജ്, എബി
മാത്യു, ഷീല ജോസ്, മേഘ മാത്യു, ഷീല ജോസ് (എംഎംവിഎസ്
സെക്രട്ടറി), ജോയൽ തോമസ് (ഫോക്കസ് സെക്രട്ടറി), മേഘ മാത്യു (ഗ്രോ
സെക്രട്ടറി), ആഞ്ചല നൈനാൻ (എംജിഒസിഎസ്എം സെക്രട്ടറി) രജിസ്ട്രേഷൻ,
റാഫിൾ എന്നിവയിലൂടെ പിന്തുണ നൽകി.
ഉദാരമായി സഹകരിച്ച ഏവർക്കും പ്രേംസി ജോൺ നന്ദി പ്രകാശിപ്പിച്ചു.
2024 ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം
റിസോർട്ടിലാണ് സമ്മേളനം നടക്കുന്നത്. സൺഡേ സ്കൂൾ ഡയറക്ടർ
ജനറലും പുതുപ്പള്ളി സെന്റ് ജോർജ് ഓർത്തഡോക്സ് പള്ളി
വികാരിയുമായ ഫാ. ഡോ. വർഗീസ് വർഗീസ് (മീനടം) മുഖ്യപ്രഭാഷണം
നടത്തും. ഗ്രീക്ക് ഓർത്തഡോക്സ് സഭയുടെ ഫാ. സെറാഫിം മജ്മുദാറും,
സൗത്ത് വെസ്റ്റ് ഭദ്രാസന വൈദികൻ ഫാ. ജോയൽ മാത്യുവും യുവജന
സെഷനുകൾക്ക് നേതൃത്വം നൽകും. ‘ദൈവിക ആരോഹണത്തിന്റെ
ഗോവണി’ എന്ന വിഷയത്തെപ്പറ്റി “ഭൂമിയിലുള്ള കാര്യങ്ങളിലല്ല, മുകളിലുള്ള
കാര്യങ്ങളിൽ നിങ്ങളുടെ മനസ്സ് സ്ഥാപിക്കുക” (കൊലൊ സ്യർ 3:2) എന്ന
വചനത്തെ ആസ്പദമാക്കിയാണ് കോൺഫറൻസിന്റെ ചിന്താവിഷയം.
ബൈബിൾ, വിശ്വാസം, സമകാലിക വിഷയങ്ങൾ എന്നിവയെ
അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും
പ്രത്യേകം സംവേദനാത്മക സെഷനുകൾ ഉണ്ടായിരിക്കും.
കൂടുതൽ വിവരങ്ങൾക്ക്, ഫാ. അബു പീറ്റർ, കോൺഫറൻസ് കോർഡിനേറ്റർ
(ഫോൺ: 914.806.4595) / ചെറിയാൻ പെരുമാൾ, കോൺഫറൻസ് സെക്രട്ടറി
(ഫോൺ. 516.439.9087) എന്നിവരുമായി ബന്ധപ്പെടുക.
