വണ്ടിയിടിച്ച്‌ പരിക്കേറ്റ മുള്ളൻപന്നിയെ കറിവച്ചു; ആയുര്‍വേദ ഡോക്ടര്‍ പിടിയില്‍

മുള്ളൻപന്നിയെ ഇടിച്ച ഡോക്ടറുടെ വാഹനവും പിടിച്ചെടുത്തു.

കൊല്ലം വാളകം മേഴ്സി ആശുപത്രിക്കു സമീപത്തു വച്ചായിരുന്നു സംഭവം. വെറ്റില വില്‍ക്കാനായി പുലർച്ചെ കൊട്ടാരക്കരയിലേക്കു പോകുമ്ബോഴാണ് ഡോക്ടർ ഓടിച്ച വാഹനം മുള്ളൻപന്നിയെ ഇടിച്ചത്. പുറത്തിറങ്ങിയ ഡോക്ടർ മുള്ളൻപന്നിയെ വാഹനത്തിലിട്ട് വീട്ടിലെത്തിച്ചു. പിന്നീട് കറിവയ്ക്കുകയായിരുന്നു. ഡോക്ടറുടെ വീട്ടില്‍ പരിശോധനയ്ക്ക് വനംവകുപ്പ് ഉദ്യോഗസ്ഥർ എത്തുമ്ബോള്‍ അടുപ്പില്‍ കറി തയാറായി കൊണ്ടിരിക്കുകയായിരുന്നു.