കേരളത്തിലെ പ്രമുഖ കോണ്ഗ്രസ് നേതാക്കള് നാളെ ബിജെപിയില് ചേരും, ഇടതു നേതാക്കള് പിന്നാലെ; കെ സുരേന്ദ്രന്
തിരുവനന്തപുരം: കേരളത്തിലെ പ്രമുഖ കോണ്ഗ്രസ് നേതാക്കളും പ്രവര്ത്തകരും നാളെ ബിജെപിയില് ചേരുമെന്ന് പാര്ട്ടി സംസ്ഥാന അധ്യക്ഷന് കെ സുരേന്ദ്രന്. തിരുവനന്തപുരം എന്ഡിഎ തെരഞ്ഞെടുപ്പ് കാര്യാലയത്തിലെത്തി അംഗത്വം എടുക്കും. ഇടതു മുന്നണിയിലെ പ്രമുഖ നേതാക്കളും വരും ദിവസങ്ങളില് പാര്ട്ടിയിലേക്ക് എത്തുമെന്നും സുരേന്ദ്രന് അവകാശപ്പെട്ടു.
'കോണ്ഗ്രസില് നിന്നും എല്ഡിഎഫില്നിന്നും പ്രധാനമന്ത്രിയുടെ സന്ദര്ശനത്തിനു മുന്നോടിയായി നിരവധി നേതാക്കള് ബിജെപിയില് ചേരും. നാളെ, അതായത് 14-ാം തീയതി തിരുവനന്തപുരത്ത് പ്രധാനമന്ത്രിയുടെ സന്ദര്ശനത്തിനു മുന്നോടിയായി പ്രമുഖരായ കോണ്ഗ്രസ് നേതാക്കള് ബിജെപിയില് അംഗത്വമെടുക്കും. തുടര്ന്നങ്ങോട്ട് ഓരോ ദിവസവും ഇരു മുന്നണികളില് നിന്നും ബിജെപിയിലേക്ക് നേതാക്കളുടെ ഒഴുക്കുണ്ടാകും.'- സുരേന്ദ്രന് പറഞ്ഞു.