കേന്ദ്ര വിദ്യാഭ്യാസ വകുപ്പ് അടച്ചുപൂട്ടാനുള്ള ഉത്തരവില്‍ ട്രംപ് ഒപ്പുവച്ചു
വാഷിംഗ്ടണ്‍: അമേരിക്കയില്‍ കേന്ദ്ര വിദ്യാഭ്യാസ വകുപ്പ് അടച്ചുപൂട്ടാനുള്ള എക്സിക്യൂട്ടീവ് ഉത്തരവില്‍ പ്രസിഡന്‍റ് ഡോണള്‍ഡ് ട്രംപ് ഒപ്പുവച്ചു.പൊതു വിദ്യാഭ്യാസത്തിന്‍റെ പൂർണ ചുമതല ഇനി സംസ്ഥാനങ്ങള്‍ക്കായിരിക്കുമെന്നും വിദ്യാഭ്യാസ നയം നടപ്പിലാക്കേണ്ടത് സംസ്ഥാനങ്ങളാണെന്നും ട്രംപ് നിർദേശിച്ചു.
കേന്ദ്ര വിദ്യാഭ്യാസ വകുപ്പാണ് നിലവില്‍ അമേരിക്കയിലെ പ്രൈമറി, സെക്കൻഡറി സ്കൂളുകളുടെ 13 ശതമാനം ഫണ്ടിംഗ് നല്‍കുന്നത് . ഉത്തരവ് നിലവില്‍ വന്നാല്‍ ഈ സാമ്ബത്തിക സഹായം അവസാനിക്കും. അതേസമയം, കേന്ദ്ര വിദ്യാഭ്യാസ വകുപ്പ് നിർത്തലാക്കാനുള്ള ഉത്തരവ് പ്രാബല്യത്തില്‍ വരാൻ യുഎസ് കോണ്‍ഗ്രസിന്‍റെ അനുമതി വേണം. മുഖ്യ പ്രതിപക്ഷമായ ഡെമോക്രാറ്റിക് പാർട്ടിയിലെ ഏഴ് അംഗങ്ങളുടെ പിന്തുണ കൂടി ലഭിച്ചാലേ ഭൂരിപക്ഷമാകൂ.
