മറന്നു പോകുന്നവർ: കവിത, റുക്സാന കക്കോടി
റുക്സാന കക്കോടി
മറന്നു പോകുന്നു പലതും നമ്മൾ -
ഓർത്തെടുക്കും ചിലപ്പോഴൊക്കെ,
മറന്നു പോകുന്നു ചില ബന്ധങ്ങളേ ...
മറക്കാതിരിയ്ക്കാൻ പഠിക്കാം.
മറന്നു പോകുന്നു ഭൂതകാലങ്ങളേ ....
മറവിതൻ മാറാല നീക്കി -
ഓർമ്മയുടെ നവാങ്കുരം തീർക്കാം..
മറന്നു പോകുന്നു മനപൂർവ്വം ചിലർ -
മൗനത്തിൻ വേലിയ്ക്കുള്ളിൽ
സ്വന്തം സ്വത്വം തേടുകയാണവർ .
മറന്നു പോകില്ലൊരിക്കലും നമ്മൾ -
കിട്ടാകടങ്ങൾ മലയായ് ഉയർന്നാൽ .
മറന്നു പോകുന്നു നമ്മൾ -
പ്രിയപ്പെട്ടവരുടെ വിയോഗങ്ങൾ ...
മാറ്റങ്ങളുടെ , നേട്ടങ്ങളുടെ
കുത്തൊഴുക്കിൽ മനുഷ്യർ
എല്ലാം വിസ്മരിക്കുന്നു.