അനിശ്ചിതത്വം :കവിത , റോയ് പഞ്ഞിക്കാരൻ
അനിശ്ചിതത്വം സ്വന്തം ആത്മാവിനെ കണ്ടെത്താനുള്ള നിമിഷങ്ങളാണ് .
ആന്തരിക സുഖവും
ആന്തരിക ദുഃഖവും തമ്മിലുള്ള
കഥകൾ കൈമാറുന്ന നിമിഷം!
ആത്മാവുമായുള്ള സമ്പർക്കത്തിന്റെ നിമിഷം !
ആർക്കും മനസ്സിലാകാത്ത
സുന്ദര നിമിഷം !
ആരെയും ആ ഏകാന്തതയിൽ പോലും
ഉപേക്ഷിക്കുന്നില്ല .
ഇവിടെ
അനുഭവം ഗണിത ശാസ്ത്രവും
തത്വശാസ്ത്രവും ആയി
ജീവിതത്തിലേക്ക് പകർന്നാടുന്ന
നിമിഷം .
എങ്കിലും ആരുടേയും ഒരു സഹായവും
ലഭിക്കാതെ, മനസ്സാക്ഷി
ജയിക്കുന്ന നിമിഷം!