'സ്വാതന്ത്ര്യ ദിനം': കവിത, Mary Alex (മണിയ)

സ്വാതന്ത്ര്യ ദിനം...
നമുക്കിന്നു സ്വാതന്ത്ര്യ ദിനം ..
സത്യധർമ്മങ്ങൾ മുഖമുദ്രയാക്കി
പടവാളേന്താതെ ചോര ചിന്താതെ
ബാപ്പുജി നേടിത്തന്ന സ്വാതന്ത്ര്യം
 ആ മഹാത്മൻ വിഭാവനം ചെയ്തതോ 
 നമ്മുടെ ഇന്ത്യയിന്ന് 
ആഘോഷിക്കുന്ന സ്വാതന്ത്ര്യം 
ചിന്തിക്കേണ്ടതുണ്ട് പലതിലും,
മത പരിവർത്തന ആരോപണം 
ചാർത്തി യാത്ര തടഞ്ഞു വച്ചു
കുറ്റാരോപിതരായി  കുട്ടികൾ കന്യാസ്ത്രീകൾ അദ്ധ്യാപികമാർ
എത്ര നാൾ തുറുങ്കിൽ നിലത്തു  കിടന്നു ! 
ജാമ്യം കിട്ടാതുഴന്നവർ 
ആയതിനായ് പാടുപെട്ടവർ വേറെ
സ്വമനസ്സാലിറങ്ങീ പെൺകുട്ടികൾ
ജോലി തേടി അദ്ധ്യാപകരായിടാൻ
വീട്ടുകാരുടെ സമ്മതപത്രം വാങ്ങി
ഒപ്പം സഹോദരനും എന്നിട്ടുമവർ
ശങ്കിച്ചവശരാക്കി ചിന്തയില്ലാതെ 
ഇതോ മതേതരത്വ സ്വാതന്ത്ര്യം !