എഴുത്ത് : കവിത , റോയ് പഞ്ഞിക്കാരൻ
എഴുതാനിരിക്കുമ്പോൾ ഏഴുവർണങ്ങൾ മനസ്സിൽ
എഴുതി തുടങ്ങുമ്പോൾ
ഏങ്ങലടിക്കുന്ന മനസ്സ്
എന്തെല്ലാം എഴുതിയാലും
എത്തിപ്പെടാത്തത്ര വർണങ്ങൾ
എത്തിപ്പെടാത്തത്ര കാർമുകിൽ
എന്തെഴുതണമെന്നറിയില്ല
എങ്ങനെയെഴുതണമെന്നറിയില്ല
അതിനുമുമ്പേ പെയ്തൊഴിയും
ഈ മുകിൽ മാലകൾ
അതിനുമുമ്പേ മാഞ്ഞുപോകുമീ
വർണങ്ങൾ
എങ്കിലുമെൻ ഓർമ്മകൾ ഓടക്കുഴലൂതുമ്പോൾ
രാഗഭാവങ്ങൾ
പുഴയിലെ അലകൾ
പുളിനത്തിലേക്കെന്നപോലെ
വീണ്ടുമെൻ അന്തരംഗം
തേന്മാവിൻ ചില്ലകളിൽ
നിന്നും ഉതിർന്നു വീഴുന്ന
മഴത്തുള്ളികൾപോലെ
എവിടേക്കെന്നറിയില്ല
എങ്ങോട്ടെന്നറിയില്ല
മനം ശൂന്യമായി
തൂലിക നിശ്ചലമായി !
.
റോയ് പഞ്ഞിക്കാരൻ