മാനവ ഹൃദയം ; കവിത, റോയ് പഞ്ഞിക്കാരൻ
മാനവ ഹൃദയത്തിൽ
മഴവില്ലു വിരിഞ്ഞാൽ
മൗനം പൂകും സ്വപ്നങ്ങൾ.
മഴമുകിൽ പെയ്യും നയനങ്ങൾ.
എരിഞ്ഞമരും ആ നിമിഷങ്ങളിൽ
നീണ്ട മൗനത്തിലേക്ക്
രാപ്പക്ഷികൾ
ചിറകടിച്ചു വീഴും.
എങ്ങുനിന്നോ വരുന്ന മുളംതണ്ടിലെ
സാന്ദ്ര സ്വരങ്ങളിൽ
ഒരു തുടികൊട്ട് പാട്ടു പാടി
ഗദ്ഗദം വീണ്ടും പടവുകൾ കയറും .
മൗനം മറ്റൊരു വസന്തത്തിന്റെ
വിളിക്കായി കാതോർത്തിരിക്കും.
റോയ് പഞ്ഞിക്കാരൻ