ഒച്ച : കവിത , റോയ് പഞ്ഞിക്കാരൻ
പിച്ചള പാത്രത്തിൽ വീഴുന്ന
ഒച്ചയിലാണ് പിച്ചക്കാരന്റെ
പ്രതീക്ഷ .
അതെറിഞ്ഞവന്റെ കൈവിരലിന്റെ
ഞൊട്ടയുടെ ഒച്ചയാണ് അവന്റെ
പ്രതീക്ഷ .
വെടിയൊച്ച കേൾക്കുന്ന അരിക്കൊമ്പന്
കാടിന്റെ ഒച്ചയാണ് ആനയുടെ പ്രതീക്ഷ .
നര വീണ മോഹങ്ങളിൽ
വാക്കുകളുടെ ഒച്ചയാണ് അവരുടെ പ്രതീക്ഷ .
നരവീണ തലകളെ അസ്വസ്ഥമാക്കുന്നത്
മറ്റുള്ളവരുടെ
ഒച്ചകൾ !
സമ്പന്നരുടെ ഒച്ചകൾ
പാവപ്പെട്ടവരെ
ഭീതിയിലാക്കുമ്പോഴും
നിന്റ ഒച്ച കേൾക്കാൻ
എനിക്ക് കൊതിയാവുന്നു
റോയ് പഞ്ഞിക്കാരൻ