തിരുപ്പതി ക്ഷേത്രത്തില് തിക്കിലും തിരക്കിലും പെട്ട് ആറ് പേര് മരിച്ചു
ഹൈദരാബാദ്: തിരുമല തിരുപ്പതി ക്ഷേത്രത്തില് തിക്കിലും തിരക്കിലും പെട്ടുണ്ടായ വന് അപകടത്തില് 6 പേര് മരിച്ചു. നിരവധി പേര്ക്ക് ഗുരുതരമായി പരിക്കേറ്റു. തിരുപ്പതി വിഷ്ണു നിവാസം ഭാഗത്ത് വെച്ചാണ് ഇന്ന് വൈകിട്ടോടെ ദുരന്തമുണ്ടായത്. പരിക്കേറ്റവരെ സമീപത്തെ റൂയ ആശുപത്രിയില് പ്രവേശിപിച്ചു. വൈകുണ്ഠ ഏകാദശി കൂപ്പണ് വിതരണത്തിനിടെയാണ് തിക്കിലും തിരക്കിലും പെട്ട് അപകടമുണ്ടായത്.
കൂപ്പണ് വിതരണ കൗണ്റിന് മുന്നിലേക്ക് ആളുകള് ഉന്തിത്തള്ളി കയറിയതോടെയാണ് അപകടമുണ്ടായത്. തിരക്ക് നിയന്ത്രിക്കാന് കഴിയാതെ വന്നതോടെയാണ് അപകടമുണ്ടായത്. തിരക്കില് പെട്ട് ആളുകള് സ്ഥലത്ത് നിന്ന് പരിഭ്രാന്തരായി ഓടുന്നതിന്റെ ദൃശ്യങ്ങളും പുറത്തുവന്നു. കൂപ്പണ് വിതരണ കൗണ്ടര് തുറക്കാന് ശ്രമിക്കുന്നതിനിടെ പെട്ടെന്ന് ആളുകള് തള്ളികയറിയതോടെയാണ് അപകടമുണ്ടായത്.
സ്ഥലത്ത് ഇപ്പോഴും തിരക്ക് നിയന്ത്രണ വിധേയമായിട്ടില്ല.
