രാഹുല് ഗാന്ധിയുടെ ഡാളസ് പൊതുസമ്മേളനം; രജിസ്ട്രേഷൻ പുരോഗമിക്കുന്നു
ഡാളസ്: ഇർവിംഗ് ടൊയോട്ട മ്യൂസിക് ഫാക്ടറിയില് വച്ച് ഞായറാഴ്ച (സെപ്റ്റംബർ എട്ട്) നടക്കുന്ന രാഹുല് ഗാന്ധി പങ്കെടുക്കുന്ന പൊതുസമ്മേളനത്തിലേക്കുള്ള രജിസ്ട്രേഷൻ പുരോഗമിക്കുന്നതായി ഭാരവാഹികള് അറിയിച്ചു.
സമ്മേളനത്തിലേക്കുള്ള പ്രവേശനം സൗജന്യമാണെങ്കിലും മുൻകൂട്ടി രജിസ്റ്റർ ചെയ്യുന്നവർക്കു മാത്രമേ പ്രവേശനം അനുവദിക്കുകയുള്ളു. https://tinyurl.com/49tdrpp9 ലിങ്ക് ഉപയോഗിച്ച് രജിസ്റ്റർ ചെയ്യാം. ഇന്ത്യൻ പ്രവാസികള് ഏവരുടെയും സാന്നിധ്യവും സഹകരണവും അഭ്യർഥിക്കുന്നതായി സംഘാടകർ അറിയിച്ചു.
സമ്മേളനത്തിന്റെ വിജയത്തിനായി കൂടിയ മീറ്റിംഗില് ഇന്ത്യൻ ഓവർസീസ് കോണ്ഗ്രസ് സതേണ് സ്റ്റേറ്റ് പ്രസിഡന്റ് ഗുർദേവ്ജി, ന്യൂയോർക്ക് ചാപ്റ്റർ വൈസ് ചെയർ ജോർജ് ഏബ്രഹാം, ഐഒസിയുടെ സ്ഥാപക നേതാവും ഡാളസ് ചാപ്റ്റർ ചെയർമാനുമായ സാക് തോമസ്, ഹൂസ്റ്റണ് ചാപ്റ്ററിനെ പ്രതിനിധീകരിച്ചു തോമസ് ഓലിയാംകുന്ന്, മാത്യു നൈനാൻ, നീരജ്, സന്ത് ജഗ്ബിൻദേ, കാപ്പില് സന്തോഷ് എന്നിവർ പങ്കെടുത്തു.
രജിസ്ട്രേഷൻതുടർന്നുകൊണ്ടിരിക്കുകയാണ്. കൂടുതല് വിവരങ്ങള്ക്ക്: സാക് തോമസ് - 914 329 7542.
