മകളെ അഞ്ച് വയസ് മുതല് 10 വര്ഷത്തോളം ലൈംഗികമായി പീഡിപ്പിച്ച പിതാവിന് മരണം വരെ കഠിന തടവ്
തിരുവനന്തപുരത്ത് മകളെ ലൈംഗിക പീഡനത്തിനിരയാക്കിയ പിതാവിന് മൂന്ന് തവണ മരണം വരെ കഠിന തടവും 1.90 ലക്ഷം രൂപ പിഴയും വിധിച്ച് കോടതി. തിരുവനന്തപുരം പോക്സോ കോടതി ജില്ലാ ജഡ്ജി എം.പി ഷിബുവാണ് ശിക്ഷ വിധിച്ചത്. പിഴത്തുകയില് നിന്ന് 1.5 ലക്ഷം രൂപ കുട്ടിക്ക് നല്കണം.
കുട്ടിക്ക് ഇപ്പോള് 16 വയസുണ്ട്. അരുവിക്കര പൊലീസ് ഒരു വർഷം മുമ്ബ് രജിസ്റ്റർ ചെയ്ത കേസിലാണ് ഇപ്പോള് ശിക്ഷ വിധിച്ചിരിക്കുന്നത്.
2023ല് പെണ്കുട്ടിയുടെ 15-ാം വയസില് സ്കൂളില് നിന്നും പരീക്ഷ കഴിഞ്ഞ് വന്ന സമയത്ത് പിതാവ് കുട്ടിയെ പീഡിപ്പിച്ചു മാനസികമായി തകർന്ന കുട്ടി പിറ്റേന്ന് സ്കൂളിലെത്തിയപ്പോള് വിഷമിച്ചിരിക്കുന്നത് ശ്രദ്ധയില്പ്പെട്ട ക്ളാസ് ടീച്ചർ വിവരം തിരക്കിയപ്പോഴാണ് വർഷങ്ങളായി പിതാവ് തന്നെ പീഡിപ്പിക്കുന്ന വിവരം കുട്ടി പറഞ്ഞത്. തുടർന്ന് ടീച്ചർ ചൈല്ഡ് ലൈൻ പ്രവർത്തകർകരെ വിവരമറിയിക്കുകയും ഇവർ പോലീസിനെ അറിയിക്കുകയും പിതാവിനെ അറസ്റ്റ് ചെയ്യുകയുമായിരുന്നു.
പെണ്കുട്ടിക്ക് പീഡന വിവരം തുറന്ന് പറയാൻ അമ്മയുടെയോ അച്ഛന്റെയോ ബന്ധുക്കള് ഇല്ലായിരുന്നു. ആരോടെങ്കിലും പറഞ്ഞാല് പിതാവ് അപായപ്പെടുത്തുമോ എന്ന ഭയവും പെണ്കുട്ടിയ്ക്കുണ്ടായിരുന്നു. കേസ് റിപ്പോർട്ട് ചെയ്ത ദിവസം മുതല് കുട്ടി ജുവനൈല് ഹോമിലാണ് കഴിയുന്നത്. പ്രോസിക്യൂഷന് വേണ്ടി പബ്ളിക് പ്രോസിക്യൂട്ടർ കാട്ടായിക്കോണം കെ.കെ അജിത് പ്രസാദ് അഭിഭാഷകയായ വി.സി ബിന്ദു എന്നിവർ ഹാജരായി.
